影片
更多
2024-12-13
1736 瀏覽
啟德 SOGO The Twins 雙子匯 1 期早前開幕，一直未有時間到訪，趁今日放假，即刻約埋朋友過嚟四處逛逛，順道來這間新開嘅餐廳「Nisugu」吃頓午餐。餐廳主打西班牙菜，設有室內和戶外位置，午市是 Café，而晚市就會變身為 Bar & Restaurant，提供各式西班牙美點，包括西班牙小菜 Tapas、西班牙海鮮飯 Paella 等。點左兩份 $148 Set Lunch，套餐包沙律、小食、主菜及飲品。凱撒沙律非常新鮮，蔬菜份量多又爽口。火腿可樂餅外脆內 creamy，入口帶淡淡牛乳香，味道誘人！蒜片欖油大蝦 (+$15) 鮮嫩爽彈，加上微微辣感，惹味又開胃👍🏻主菜點了香烤慢煮豬頸肉配火箭菜沙律酸種麵包 同 壽喜燒牛肉炒烏冬配醬油蛋黃。豬頸肉肉質爽彈，酸種包富嚼勁，完全沒有過硬或過韌嘅感覺，配上新鮮火箭菜同車厘茄，口感清新。牛肉大小適中，肉質鮮嫩，入口即化；烏冬吸收晒壽喜燒醬汁，非常入味；再拌入蛋黃同吃，滋味無窮。西班牙油炸鬼配肉桂糖朱古力醬及雲呢拿雪糕 ($88) Churros 即點即炸，新鮮熱辣，面頭灑了肉桂糖粉，點朱古力醬吃，甜脆醒神，再配埋旁邊嘅雪糕，絕對係高
啟德 SOGO The Twins 雙子匯 1 期早前開幕，一直未有時間到訪，趁今日放假，即刻約埋朋友過嚟四處逛逛，順道來這間新開嘅餐廳「Nisugu」吃頓午餐。
餐廳主打西班牙菜，設有室內和戶外位置，午市是 Café，而晚市就會變身為 Bar & Restaurant，提供各式西班牙美點，包括西班牙小菜 Tapas、西班牙海鮮飯 Paella 等。
點左兩份 $148 Set Lunch，套餐包沙律、小食、主菜及飲品。凱撒沙律非常新鮮，蔬菜份量多又爽口。
火腿可樂餅外脆內 creamy，入口帶淡淡牛乳香，味道誘人！蒜片欖油大蝦 (+$15) 鮮嫩爽彈，加上微微辣感，惹味又開胃👍🏻
主菜點了香烤慢煮豬頸肉配火箭菜沙律酸種麵包 同 壽喜燒牛肉炒烏冬配醬油蛋黃。
豬頸肉肉質爽彈，酸種包富嚼勁，完全沒有過硬或過韌嘅感覺，配上新鮮火箭菜同車厘茄，口感清新。
牛肉大小適中，肉質鮮嫩，入口即化；烏冬吸收晒壽喜燒醬汁，非常入味；再拌入蛋黃同吃，滋味無窮。
西班牙油炸鬼配肉桂糖朱古力醬及雲呢拿雪糕 ($88) Churros 即點即炸，新鮮熱辣，面頭灑了肉桂糖粉，點朱古力醬吃，甜脆醒神，再配埋旁邊嘅雪糕，絕對係高質享受。
香濃抹茶紅豆法式西多士配抹茶蕨餅 ($88) 西多金黃香脆、紅豆軟糯綿密、蕨餅煙韌Q彈，再襯以幽香細滑、甜度合宜嘅抹茶忌廉，味道一流，討人喜歡！
飲品點左杯焙茶拿鐵 (+$30)，一嚟到就聞到濃香四溢嘅焙茶味，入口絲滑細膩，後帶回甘，值得一試。朋友嘅 Latte (+$25) 水準亦唔錯，味道醇香、柔順易飲。
張貼
