火水爐花膠館 (已結業)

夜晚唔知食咩，於是就決定呢間雞煲、火鍋、石燒三合一餐廳，一次過滿足選擇困難症嘅人。雞煲味道唔錯，十分之惹味，辣度可以自己揀，會有服務員幫你翻炒雞煲，仲有個鐘仔幫你計時，確保雞煲唔會煲燶，夠貼心。會畀個石燒爐你畀你燒牛肉，不過石頭比較細，最多燒兩塊，雖然肉質唔錯，但係都建議加少少鹽吊一吊味，而且石爐會燒得比較耐先燒熟啲牛肉，時間性黎講性價比唔高，食到中間已經叫服務員收返個石爐，直接打邊爐算。火鍋食物種類選擇其實唔算太多，而且有堆食物要額外收費，算唔上真正任飲飲食，比較取巧。