Wing Wing 哋 (已結業)

比佢個「翼來順受」霓虹燈牌吸引住, 忍唔住入左去幫襯, 選擇困難症既我見到咁多款不同口味既雞翼真係滴汗💦, 好彩貼心既店員好熱心介紹我, 分別係鹹蛋黃味, 焦糖威士忌, 蒜香味同柚子味, 再加杯我最鍾意飲既愛玉😍, 雖然係外賣, 但咬落去一樣脆卜卜, 肉質仲好Juicy, 夠晒香口, 鹹蛋黃雞翼真係無得輸(食得最快停吾到🤪), 焦糖威士忌味有種好特別既口感, 甜甜地帶輕微酒香, 柚子味清甜得來仲帶出肉質鮮嫩口感, 好正!! 不得不讚杯愛玉賣相真係超超超靚啊😍, 仲有個好靚既名叫藍月亮, 甜度適中, 真係好好好飲, 仲要意外地同D雞翼夾左🤩~ 空間雖小, 但牆上面既裝飾夠晒創意, 果然創作力量同幻想會嚇你一跳😅 一句「翼來順受」可以話係打工仔既福音, 望住佢來食, 真係多多都受得起, 有好多得意既打卡位, 聽店員講係一班前機司開, 所以用左飛機來做主題~ 真係無諗過屋邨裏面都會有呢份驚喜😍唯一美中不足, 食完飽到上心口, 要落街行番半個鐘先消化到~ 下次我要試埋佢既丼飯, 睇完佢地IG既介紹，淨係個外包裝盒都夠晒創新,款款都好吸睛👀~真係好想試吓～ Wingwing哋！有趣！