影片
更多
2024-06-26
145 瀏覽
雞就成日食，成碟都雞翼就真係未試過。 今次叫咗Loads O' Birds 雞全部都係雞 ($398)呢個套餐：有24隻雞翼，可以揀4款口味， 另外仲有兩款配菜。1️⃣蒙古燒烤孜然味重但唔係土匪味，佢mix咗唔同香料同花椒，感覺有啲層次同幾大漠風情。2️⃣印度Tandoori烤雞呢款係Masala混合香料，一入口就食得出好印度，幾香。3️⃣水牛城醬🌶一入口就充斥住Tabasco嘅辣味，酸味都突出，底味夠濃但唔會好咸，酸酸辣辣咁幾開胃。4️⃣新加坡辣蟹🌶🌶4款中最辣，但都食到輕微嘅酸酸甜甜，同埋明顯食得出係亞洲風味嗰種酸。 配菜方面就揀咗🥑火灸牛油果，熟度同texture啱啱好，食落唔會好膩，青檸都可以唔洗派上用場。本身底味有鹽同黑椒都夠味，但點豉油食又幾似食緊三文魚刺身🤣 🥦杏仁麵包糠炒澳洲西蘭花苗呢排少食菜，要嗌兜菜補返數。 西蘭花苗本身有撈牛油兜過，再加埋大蒜、牛油麵包糠同杏仁碎就更香。🍸Passionfruit Prosecco Mojito ($80)朋友叫嘅呢杯熱情果味重，仲食到粒粒熱情果籽，幾開胃。比起Mango Soda相對甜啲，Prosecco酒味唔重，所以更易入口。🍹Mango S
雞就成日食，成碟都雞翼就真係未試過。 今次叫咗Loads O' Birds 雞全部都係雞 ($398)呢個套餐：有24隻雞翼，可以揀4款口味， 另外仲有兩款配菜。
1️⃣蒙古燒烤
孜然味重但唔係土匪味，佢mix咗唔同香料同花椒，感覺有啲層次同幾大漠風情。
2️⃣印度Tandoori烤雞
呢款係Masala混合香料，一入口就食得出好印度，幾香。
3️⃣水牛城醬🌶
一入口就充斥住Tabasco嘅辣味，酸味都突出，底味夠濃但唔會好咸，酸酸辣辣咁幾開胃。
4️⃣新加坡辣蟹🌶🌶
4款中最辣，但都食到輕微嘅酸酸甜甜，同埋明顯食得出係亞洲風味嗰種酸。
配菜方面就揀咗🥑火灸牛油果，熟度同texture啱啱好，食落唔會好膩，青檸都可以唔洗派上用場。本身底味有鹽同黑椒都夠味，但點豉油食又幾似食緊三文魚刺身🤣
🥦杏仁麵包糠炒澳洲西蘭花苗
呢排少食菜，要嗌兜菜補返數。 西蘭花苗本身有撈牛油兜過，再加埋大蒜、牛油麵包糠同杏仁碎就更香。
🍸Passionfruit Prosecco Mojito ($80)
朋友叫嘅呢杯熱情果味重，仲食到粒粒熱情果籽，幾開胃。比起Mango Soda相對甜啲，Prosecco酒味唔重，所以更易入口。
🍹Mango Soda ($60)
芒果味重但唔會好甜，加埋薄荷同梳打水，幾解暑！
張貼
