影片
更多
2023-03-28
1740 瀏覽
生日之際，去咗東涌outlet行街，夜晚順便入埋喜來登附近食飯，難得生日，當然要是一啲新嘅菜式，所以揀咗黎巴嫩菜。👍🏻Chargrilled Octopus Tenticles炭燒嘅八爪魚鬚做得一流，口感爽彈帶勁，橄欖油嘅味道好香，但並不帶油膩感。第一啖香草味會比較濃烈👍🏻Shrimp Fatteh從未品嚐過嘅味道，入口帶有強烈新鮮感，而且顏色鮮艷又奪目，上枱特別吸引。用上乳酪醬汁去烹調，醬汁濃稠帶點奶油香，大蝦煎得爽口，配料例如紅石榴、麵包、松子都直接加上更豐富的口感。👍🏻Fattoush呢款沙律絕對係開胃之選，職員會逐少逐少倒入大木盤即場攪拌，由蕃茄、生菜、芹菜組成，加入紅石榴汁、橄欖油、檸檬汁、白醋攪拌而成。清新得黎又帶有爽脆感，而且可以一解上面兩度海鮮帶嚟嘅衝擊感，整體感覺較酸。👍🏻Charcoal Grilled Sea-Bass海鱸魚原條而上，誇張至極，煎得皮脆香口，肉質並不鬆散，而且冇乜魚骨食得特別安心，特別喜歡餐廳為佢主理嘅調味，可以淋上檸檬牛油醬同檸檬汁，拌碟嘅炒蘑菇味道非常之香，而且份量頗多。👍🏻Lamp Cutlets羊架一客有四件，生熟度烹調得非常合適，入口炭燒
生日之際，去咗東涌outlet行街，夜晚順便入埋喜來登附近食飯，難得生日，當然要是一啲新嘅菜式，所以揀咗黎巴嫩菜。
👍🏻Chargrilled Octopus Tenticles
炭燒嘅八爪魚鬚做得一流，口感爽彈帶勁，橄欖油嘅味道好香，但並不帶油膩感。第一啖香草味會比較濃烈
👍🏻Shrimp Fatteh
從未品嚐過嘅味道，入口帶有強烈新鮮感，而且顏色鮮艷又奪目，上枱特別吸引。用上乳酪醬汁去烹調，醬汁濃稠帶點奶油香，大蝦煎得爽口，配料例如紅石榴、麵包、松子都直接加上更豐富的口感。
👍🏻Fattoush
呢款沙律絕對係開胃之選，職員會逐少逐少倒入大木盤即場攪拌，由蕃茄、生菜、芹菜組成，加入紅石榴汁、橄欖油、檸檬汁、白醋攪拌而成。清新得黎又帶有爽脆感，而且可以一解上面兩度海鮮帶嚟嘅衝擊感，整體感覺較酸。
👍🏻Charcoal Grilled Sea-Bass
海鱸魚原條而上，誇張至極，煎得皮脆香口，肉質並不鬆散，而且冇乜魚骨食得特別安心，特別喜歡餐廳為佢主理嘅調味，可以淋上檸檬牛油醬同檸檬汁，拌碟嘅炒蘑菇味道非常之香，而且份量頗多。
👍🏻Lamp Cutlets
羊架一客有四件，生熟度烹調得非常合適，入口炭燒味好重，醃料味較重，肉質有嚼勁亦有肉汁，伴碟嘅蔬菜極為香口。
👍🏻Blackcurrant and Mascarpone cake
食完一系列嘅燒烤，最啱黎一份酸酸甜甜嘅甜品，蛋糕整體感覺輕盈，鏡面做得完整，酸甜比例平均。
👍🏻Yakult lemonade
完全係小編一飲就會愛上的，益力多加上檸檬汁同熱情果，口感清爽又夠清新！絕對係配上炭燒食品嘅選擇～
👍🏻Casa Blanca
鹹甜夾雜於一杯，杯邊灑有喜馬拉雅山岩鹽，入口滿滿水果香：包括西瓜、提子、青檸、青瓜等等嘅韻味。
黎巴嫩菜好似中東菜一樣，都係帶點香料，而且喺香港好少品嚐到嘅菜式，入得嚟東涌必定一試。
張貼
