影片
更多
2018-01-20
4564 瀏覽
今晚收工約左女友係尖沙咀食晚飯，咁佢就話想日本野啦，開頭我都好頭痕，尖沙咀至到尖東咁多間日本野，究竟邊間好d呢!?咁之後就搵下加勁嘅openrice啦！竟然搵到e間，d相好靚，又多人like同follow,好啦，咁就e間啦！約左佢7點!咁約左7點啦，我6點50左右係門口等佢!見到佢門面都好靚，好有日本感覺，亦都見到有外國人係門口影相，但稍為感覺上門口就欠缺左一個餐牌，如果有個餐牌就相信一定會更加吸引客人。好啦！女友到啦！咁我一入到去就有職員招呼我地啦！帶我地埋位啦！跟住就非常非常有禮貌咁介紹抹茶粉，又拿來一壺熱水，並且清楚詳細咁樣介紹佢地嘅iPad落單apps,好清楚咁樣教我地點樣用，講完就明晒啦！服務非常周到。咁我地就開始睇餐牌啦，其實個餐牌都非常豐富，有壽司，軍艦，卷物，丼，沙律，小食，刺身及甜品等，其中壽司都佔較大篇幅，餐廳都會將唔同嘅魚分別建立為一個大標題，款式多到我同女友都望左好耐，咁但係因為我女友唔太好食生野，想食d熟野，咁我地最後就叫左以下菜式啦！咁係等菜到期間，周圍望下餐廳裝修啦，裝修都唔錯，以木為主，簡單而光猛，咁我就周圍影下相啦，影到個壽司吧果陣，呀靚仔師傅對我做出
咁約左7點啦，我6點50左右係門口等佢!見到佢門面都好靚，好有日本感覺，亦都見到有外國人係門口影相，但稍為感覺上門口就欠缺左一個餐牌，如果有個餐牌就相信一定會更加吸引客人。
好啦！女友到啦！咁我一入到去就有職員招呼我地啦！帶我地埋位啦！跟住就非常非常有禮貌咁介紹抹茶粉，又拿來一壺熱水，並且清楚詳細咁樣介紹佢地嘅iPad落單apps,好清楚咁樣教我地點樣用，講完就明晒啦！服務非常周到。
咁我地就開始睇餐牌啦，其實個餐牌都非常豐富，有壽司，軍艦，卷物，丼，沙律，小食，刺身及甜品等，其中壽司都佔較大篇幅，餐廳都會將唔同嘅魚分別建立為一個大標題，款式多到我同女友都望左好耐，咁但係因為我女友唔太好食生野，想食d熟野，咁我地最後就叫左以下菜式啦！
咁係等菜到期間，周圍望下餐廳裝修啦，裝修都唔錯，以木為主，簡單而光猛，咁我就周圍影下相啦，影到個壽司吧果陣，呀靚仔師傅對我做出勝利手勢，笑左，其實係好事黎呀！你成日聽d人講有時出去食野有時咸左d會話係個師傅輸左馬唔開心重手左，咁今次叫到個師傅咁開心d野食就一定正啦！!都係講笑，我相信師傅一定係專業呀！當然如果做得開心就所有人都開心啦！
好!第一道菜黎啦，味僧湯
味僧湯
$20
34 瀏覽
0 讚好
0 留言
味僧的主要成份大豆經醫學分析含有多種營養成份，對人體有各種好處。 現在被不少養生與愛美人士當成減肥與排毒聖品。據說日本出名嘅長壽村d老人家一日飲幾碗呀！而這碗味僧湯的味道都非常濃郁，亦帶有濃郁昆布味道，好香好好味道，而且感覺上係絕對無味精。
蟹膏沙律
$68
24 瀏覽
0 讚好
0 留言
好，跟住到蟹膏沙律啦，蟹膏沙律佢黎到果陣我同女友都嘩左一聲，好大兜呀！雖然賣相一般，但係蟹膏係咁嫁啦！正常呀！咁e道菜我地用對眼望落去都見到係好新鮮，椰菜就真係好鮮甜，就咁食都係好鮮，咁蟹膏松葉蟹就好鮮甜，有一種新鮮海鮮嘅味道，同埋e個沙律抵讚之處就係一d都唔偷工減料，當你潑開d蟹膏望一望入面嘅時候，我心裡面以為都係好多菜墊底，嘩!原來係禾稈冚珍珠，超爆多蟹肉呀！蟹肉嘅比例係完全多過d沙律菜呀！咁開始嘅時候我就獨立咁食d蟹肉，加埋d蟹膏嘅時候就真係非常鮮美，但係就會可能濃味少少，但係我之後就用d菜黎包住黎食，味道完全一流，沙律菜味道稍為中和返少少蟹肉同蟹膏濃味，變得非常貼切，而且份量非常足夠，堅係抵食!
從相片可以清楚咁睇到個沙律係完全足料，唔係空心麵包黎呀！
好啦！跟住就到飯啦！首先黎嘅係穴子丼，穴子丼就即是鰻魚飯，黎到之後賣相都好好，咁佢d鰻魚都係非常厚身，咁上碗之前都會經火炙處理過，夾起上來都有陣陣鰻魚香味湧出黎，另外就再加上陣陣火炙味道，咁我地都急不及待夾舊試下啦，食落去果下完全好感受到香嘅鰻魚味，而鰻魚汁份量都剛剛好，不會因為太多汁而搶去鰻魚嘅魚味，而芝麻嘅味道就令到e舊香口嘅鰻魚更上一層樓，兩隻味道簡直配合得天衣無縫。另外菜式嘅飯係用壽司飯去做，食落去都已經好有味，根本就唔洗落豉油，好開胃，連我女友咁細食都食晒成碗啦！
穴子丼
$108
73 瀏覽
0 讚好
0 留言
穴子丼
55 瀏覽
0 讚好
0 留言
好，最後主角出場啦，我就係因為係openrice見到e款菜式而慕名而來呀！就係三色穴啦!三色穴就包括吞拿魚腩蓉，新鮮海膽及蟹膏松葉蟹丼啦！一個菜式有三種味道，我都唔知可以去邊度搵呀！另外餐具極之精美，真係真係忍唔住狂幫佢影沙龍放上網去呃like呀！咁我首先就食左個海膽飯先啦，海膽就真係非常新鮮，入口果種鮮味真係非常強勁，味道簡直是跟係日本食一隻即開海膽無咩分別，又係唔需要落咩調味，味道甘甜，質感細膩，幾乎入口即溶，吃一口，便明白海膽為何這麼受歡迎。而三碗飯都係用壽司飯，已經好有味，因此我都係無用過 一滴豉油，食完e碗，好心急咁樣就試第二個香蔥吞拿魚蓉啦，吞拿魚蓉加上蔥粒及芝麻，完全覆蓋吞拿魚上嘅小小腥味，但係就能夠保存吞拿魚嘅鮮味，另外就好香油脂味，e個飯真係絕對能夠使我對吞拿魚改觀，因為我之前都唔係好食吞拿魚呀！原來吞拿魚都可以咁好味呀！好唔捨得咁樣到最後一個啦，蟹膏松葉蟹丼，其實蟹膏蟹肉都係同之前個沙律一樣，都係咁香同埋份量都係咁多，不過今次擺設上就有少少分別，就係師傅係上面放左少少香蔥，加左香蔥之後個飯就真係更加香，而蟹膏流晒入個飯之後就真係無得輸呀！完全另到我忘記左差不多飽嘅感覺，最後都係食晒。
三色丼
$168
166 瀏覽
1 讚好
0 留言
海膽丼
31 瀏覽
1 讚好
0 留言
蟹膏松葉蟹丼
23 瀏覽
0 讚好
0 留言
吞拿魚蓉丼
23 瀏覽
1 讚好
0 留言
e幾張相令到我呃左好多like呀！咁我地差不多食飽走果陣，見到隔離枱見左好多壽司，用一個好靚嘅長盤放住，下次我一定會再黎試佢個壽司
呀！我覺得佢地用料真係好新鮮呀!
所有食物
33 瀏覽
0 讚好
0 留言
張貼
