影片
更多
2023-07-04
16 瀏覽
呢間跑馬地廚師發辦餐廳無論食物定服務態度都令人非常滿意。師傅為人風趣，相當健談，每道菜都非常詳盡地為客人講解，不知不覺食左接近三個鐘！值得一讚嘅係師傅做事認真，連細微位都做得好好，亦留意到客人嘅需要。係晚市只供應一款套餐，一共二十道菜式（每位$1,880+10%)，食到捧住個肚走！先付千葉縣大蜆、沖繩海草、宮崎縣澤蟹、鰻魚淮山，小編最印象深刻係澤蟹，可以連殼食，香脆可口，餸酒一流。京都鱧魚處理鱧魚好考師傅刀工，因為有好多碎骨～ 料理加入啫喱狀嘅蓴菜同順菜，並喺面頭加上梅醬點綴，食落更清甜肉爽！四國鱸魚味道較清淡，配上酸汁同紫蘇葉調味，令魚鮮味更出富山白蝦剌身、白蝦素揚、海老真丈當日師傅將食材製成三食，白蝦剌身口感柔軟，味道極其鮮甜，最能呈現鮮味。炸白蝦連埋蝦頭蝦尾炸香，相當惹味！炸蝦丸工序最繁複，岩岩炸起外脆內嫩，彈牙爽口，食到蝦嘅鮮甜。鰝鰺於夏天盛產，肉質豐腴細嫩且略帶油香，味道甜美～ 北海道水八爪魚當日試到八爪魚同吸管，師傅更熱情地拎出原條向客人解說！水八爪魚肉質爽口，吸管則相當爽脆，口感幾得意，搭配醬油漬芥末，食落更開胃醒神！宮城縣赤貝口感爽脆，搭配檸檬汁同芥末，令味道更清新！岩
先付
千葉縣大蜆、沖繩海草、宮崎縣澤蟹、鰻魚淮山，小編最印象深刻係澤蟹，可以連殼食，香脆可口，餸酒一流。
京都鱧魚
處理鱧魚好考師傅刀工，因為有好多碎骨～ 料理加入啫喱狀嘅蓴菜同順菜，並喺面頭加上梅醬點綴，食落更清甜肉爽！
四國鱸魚
味道較清淡，配上酸汁同紫蘇葉調味，令魚鮮味更出
富山白蝦剌身、白蝦素揚、海老真丈
當日師傅將食材製成三食，白蝦剌身口感柔軟，味道極其鮮甜，最能呈現鮮味。炸白蝦連埋蝦頭蝦尾炸香，相當惹味！炸蝦丸工序最繁複，岩岩炸起外脆內嫩，彈牙爽口，食到蝦嘅鮮甜。
鰝鰺
於夏天盛產，肉質豐腴細嫩且略帶油香，味道甜美～
北海道水八爪魚
當日試到八爪魚同吸管，師傅更熱情地拎出原條向客人解說！水八爪魚肉質爽口，吸管則相當爽脆，口感幾得意，搭配醬油漬芥末，食落更開胃醒神！
宮城縣赤貝
口感爽脆，搭配檸檬汁同芥末，令味道更清新！
岩手縣紫海膽
師傅話五至八月係紫海膽最當造嘅季節，原隻食超過癮！味道清甜，礦物味比較重！
目光魚
經過燒香後可以連骨食用，魚頭好酥脆，小酌一杯時配上呢道菜岩曬！
壽司（長奇伊左木、熱海金目鯛、九洲大分關鯖魚、和歌山鯡魚、千葉縣甘海老、日本三重縣 拖羅）
當中最印象深刻係關鯖魚、甘海老同拖羅。關鯖魚油脂豐滿，魚肉富有彈性；甘海老蝦肉鮮甜，有著粘粘口感；拖羅試左中拖、大拖同天身，中拖同大拖入口即溶，幾乎無筋，帶魚油香，天身食起嚟非常柔軟，顛左我對赤身嘅睇法！魚味亦最濃
北海道根室市馬糞海膽
馬糞海膽肥厚飽滿，對比紫海膽甘甜濃郁，質感亦較綿滑。
甜品
有粟米慕絲同富良野哈密瓜。粟米慕絲口感幼滑，食落有陣陣粟米自然甜香，哈密瓜好juicy，亦好香甜，為豐富一餐晝上完美句號。
張貼
