影片
更多
2019-08-05
93 瀏覽
有喺觀塘返工好耐嘅朋友推介左呢間隱世嘅鐵板燒俾我，作為鐵板燒嘅粉絲我當然要去試吓啦。一入到去係好有小店家庭式嘅感覺。比其他餐廳更容易同師傅去溝通，所以我哋就直接要咗個鐵板燒嘅廚師發辦。首先會有湯同埋沙律。我哋嘅第一道鐵板燒菜式係香魚配青瓜絲，香魚比平時嘅多春魚大條啲，多肉好多，而且啲骨都好容易起出嚟。外皮煎到好香脆，魚肉好甜，配合埋用醋醃過嘅青瓜絲一齊食更清新。然後有金鯛魚，炸過嘅外層不單止好睇而且好脆好脆，得一舊實在太少喇好想繼續食！然後就有重頭戲之一，芝士海膽龍蝦。呢個組合真係好難唔好食，龍蝦粒爽口彈牙，加埋芝士海膽做嘅汁同埋蛋漿，超好食！然後到另一重頭戲和牛，和牛油分極高，個陣油香齒頰留香。師傅輕輕將表面煎一煎，裏面肉質好淋，好高質。差唔多尾聲有櫻花蝦炒飯，炒飯最緊要乾身粒粒分明，呢度做到之餘而且個味道師傅亦都調校得好好。然後仲有鐵板燒必備嘅炒雜菜。最後仲有用一直用嚟承載着鐵板燒食物嘅丹麥麵包，做成嘅焦糖多士，雖然好邪惡但係真係好好味。老實講呢度嘅地點真係有啲難搵，佢喺牛頭角站同觀塘站中間，但搵好嘢食係需要啲心機咖喇！
一入到去係好有小店家庭式嘅感覺。比其他餐廳更容易同師傅去溝通，所以我哋就直接要咗個鐵板燒嘅廚師發辦。
首先會有湯同埋沙律。
我哋嘅第一道鐵板燒菜式係香魚配青瓜絲，香魚比平時嘅多春魚大條啲，多肉好多，而且啲骨都好容易起出嚟。外皮煎到好香脆，魚肉好甜，配合埋用醋醃過嘅青瓜絲一齊食更清新。
然後有金鯛魚，炸過嘅外層不單止好睇而且好脆好脆，得一舊實在太少喇好想繼續食！
然後就有重頭戲之一，芝士海膽龍蝦。呢個組合真係好難唔好食，龍蝦粒爽口彈牙，加埋芝士海膽做嘅汁同埋蛋漿，超好食！
然後到另一重頭戲和牛，和牛油分極高，個陣油香齒頰留香。師傅輕輕將表面煎一煎，裏面肉質好淋，好高質。
差唔多尾聲有櫻花蝦炒飯，炒飯最緊要乾身粒粒分明，呢度做到之餘而且個味道師傅亦都調校得好好。
然後仲有鐵板燒必備嘅炒雜菜。
最後仲有用一直用嚟承載着鐵板燒食物嘅丹麥麵包，做成嘅焦糖多士，雖然好邪惡但係真係好好味。
老實講呢度嘅地點真係有啲難搵，佢喺牛頭角站同觀塘站中間，但搵好嘢食係需要啲心機咖喇！
張貼
