影片
更多
2024-07-17
47 瀏覽
呀妹生日，作為家姐既當然要帶佢食好西啦，今次搵食入到銅鑼灣，要去試吓一間隱世Omakase。前菜：蟹肉菠菜本菇+白酒蕃茄啫喱清爽開胃，醒一醒個味蕾岩手県米崎生蠔生蠔好大隻，鮮甜厚肉，蠔味不算濃但肉滑creamy，帶有淡淡海水味。面頭係特制既醋啫喱，，更能突出蠔既鮮甜味。北海道帆立貝帆立貝刺身軟棉鮮香，加上竹炭鹽更突出鮮味。北海道深海水八爪原來係lonely planet 成日見到個種深海大大八爪魚🐙，咁大隻八爪魚我原以為應該會好韌，點知原來好柔軟好滑，畢中意食吸盤位置，好爽口，配上梅子啫喱味道更清新。大粒貝大大響螺肉，又一驚喜，好爽好甜，配上柚子醋再沾上一點點岩鹽，鮮味更突出。地震魚（牙帶魚王）第一次食牙帶魚刺身，估唔到咁滑又唔係腥，面層皮略略燒過，再掃上三星漬麵豉醬，好香口，有驚喜。Signature 1 生死戀羅原來係2片野生拖羅，一生一熟😂。中間夾住一片紫蘇，再以紫菜包住黎食，果然係招牌之一，拖羅好新鮮，配搭好出色。Signature 2 磯煮鮑魚鮑魚煮到溏心，好好味。鮑魚肝醬好出色，鮑魚味極濃郁。吞拿魚下巴想不到會有道分子料理😆。波波其實係南瓜湯，一啖放落口再咬爆佢，南瓜湯即刻
呀妹生日，作為家姐既當然要帶佢食好西啦，今次搵食入到銅鑼灣，要去試吓一間隱世Omakase。
前菜：蟹肉菠菜本菇+白酒蕃茄啫喱
清爽開胃，醒一醒個味蕾
岩手県米崎生蠔
生蠔好大隻，鮮甜厚肉，蠔味不算濃但肉滑creamy，帶有淡淡海水味。面頭係特制既醋啫喱，，更能突出蠔既鮮甜味。
北海道帆立貝
帆立貝刺身軟棉鮮香，加上竹炭鹽更突出鮮味。
北海道深海水八爪
原來係lonely planet 成日見到個種深海大大八爪魚🐙，咁大隻八爪魚我原以為應該會好韌，點知原來好柔軟好滑，畢中意食吸盤位置，好爽口，配上梅子啫喱味道更清新。
大粒貝
大大響螺肉，又一驚喜，好爽好甜，配上柚子醋再沾上一點點岩鹽，鮮味更突出。
地震魚（牙帶魚王）
第一次食牙帶魚刺身，估唔到咁滑又唔係腥，面層皮略略燒過，再掃上三星漬麵豉醬，好香口，有驚喜。
Signature 1 生死戀羅
原來係2片野生拖羅，一生一熟😂。中間夾住一片紫蘇，再以紫菜包住黎食，果然係招牌之一，拖羅好新鮮，配搭好出色。
Signature 2 磯煮鮑魚
鮑魚煮到溏心，好好味。鮑魚肝醬好出色，鮑魚味極濃郁。
吞拿魚下巴
想不到會有道分子料理😆。波波其實係南瓜湯，一啖放落口再咬爆佢，南瓜湯即刻大爆發！不過咬嘅時候要小心個衝擊力😂好玩。吞拿魚下巴煎到好香，油脂豐富充滿魚油，滿足。
石鯛壽司 & 油鯛壽司
鯛魚係夏天時令魚之一，魚脂豐富，肉身甘香鮮嫩，配上拿捏得恰到好處的壽司飯，一啖一口，滋味無窮。
深海池魚壽司
池魚脂肪結實，肉質肥嫩，質地纖細柔軟，口感順滑鮮甜。
吞拿魚腦天壽司
稀少部位！腦更即係吞拿魚頭部的肉，每條吞拿魚只有兩塊，筋位少，脂肪多，魚味濃郁，食落似魚腩，加上七彩芝麻粉更添香氣。
海膽壽司
北海道平川海膽，無需多講，見個色澤，加埋個份量，入口瞬間海膽鮮味大爆發，筆墨難以嘅滿足。
魚湯
食完一堆生冷食物，飲碗奶白既魚湯真係好暖胃，無味精，無奶，無豆漿，純魚熬湯至奶白色，極度香濃，一碗真係唔夠喉。
甜品：日本橙肉哈密瓜
呢個一望個樣就知又甜又多汁啦！
同場見到唔少人過嚟慶祝生日/情侶拍拖，廚師同食客間有很多互動交流，氣氛真係好好。木系裝修亦都好温暖。加上負責我地餐點既廚師哥哥很賞心悅目，用心制作食物，我地真係食得好開心。眼見隔離枱有龍蝦同海膽，好新鮮好正咁，下次會再黎食！用心既餐點值得我花心機打食評去紀錄當中既美好。
張貼
