八不·壽喜燒

營業中

休息中

今日去太子經過大南街見到呢間裝修得好靚好突出嘅日式餐廳，叫八不，個名都好特別，就入佐去試吓，一坐低就見到啲餐具好得意😎，餐牌有好多炸嘢單點，好吸引，不過我哋用QR code落單見到有套餐嗌，所以落佐一份吉列蠔烏冬，一份吉列千層豚肉蕎麥麵，見到有三文魚刺身，即刻又落咗單，仲有壽喜燒揀，不過食唔到咁多，要留返下次先得，好多就上佐三文魚刺身，一份有成八件咁多，全部都好厚身，味道好鮮甜，好正，之後就到主角，試佐吉列蠔先，有三件，好大件，炸得好好味😋，好香脆，蠔又够大隻，最特別嘅係一碟吉列蠔仲包括埋一件炸洋蔥🧅，一件炸菇，好多野食，之後到吉列千層豚，出面真係比較少見啲，好特別，真係有好多層豚肉係入邊，口味非常之豐富，好好味😋，但一人食兩件就夠啦，再多就會膩架啦，配埋烏冬同蕎麥麵，好正，不過我自己鍾意烏冬多啲，好彈身，食到好飽，呢間日式小店真係值得一黎再黎