影片
更多
2009-08-06
74 瀏覽
為咗慶祝，阿劑帶咗我去珀麗酒店上面嘅星域餐廳酒廊度晚飯。正如餐廳嘅職員話齋，佢哋夜晚好靜，我哋附近都只係第一、兩枱客，所以想搵個地方靜靜哋食飯，傾計，呢度係一個唔錯嘅選擇。我哋揀咗兩個套餐，分別有：前菜：美國新鮮生蠔、焗美國新鮮生蠔湯：蜆肉周打湯配粟米、西芹及煙肉同埋海鮮甘筍南瓜湯主菜：意大利扁麵配蟹肉，海膽及紅花汁、扒牛柳配黑松露菌汁(五成熟)甜品：芝士蛋糕另外，我哋每人加咗一杯紅酒首先，講講啲蠔。生蠔同焗蠔都好好味，雖然係美國蠔，但係都好甜。啲蠔望落雖然唔算好大，但食落口感都唔錯，幾新鮮。焗蠔我哋揀咗用蕃茄汁配，所以加埋落啲蠔度時，帶少少酸酸哋，幾好食。至於兩款湯我哋都交換試過，感覺好有誠意，因為真係好足料，飲落啖啖都有咬口，味道又相當夠，所以好深刻。主菜方面，我嘅意大利扁麵一送到嚟就已經聞到好香，好濃郁嘅味道。一擺低，我就已經急不及待要食喇。食落時，完全無失望嘅感覺，因為我正正將我嘅嗅覺變成一模一樣嘅味覺。蟹肉嘅份量都好合理，好欣賞佢哋用埋海膽做配料，因為將啲海膽連埋啲扁麵一齊食時，啲海膽味都依然咁出。當然，如果海膽份量都可以多啲的話，仲好！至於阿劑嘅牛柳，就令到我哋相當失望。我
我哋揀咗兩個套餐，分別有：
前菜：美國新鮮生蠔、焗美國新鮮生蠔
湯：蜆肉周打湯配粟米、西芹及煙肉同埋海鮮甘筍南瓜湯
主菜：意大利扁麵配蟹肉，海膽及紅花汁、扒牛柳配黑松露菌汁(五成熟)
甜品：芝士蛋糕
另外，我哋每人加咗一杯紅酒
首先，講講啲蠔。生蠔同焗蠔都好好味，雖然係美國蠔，但係都好甜。啲蠔望落雖然唔算好大，但食落口感都唔錯，幾新鮮。焗蠔我哋揀咗用蕃茄汁配，所以加埋落啲蠔度時，帶少少酸酸哋，幾好食。
至於兩款湯我哋都交換試過，感覺好有誠意，因為真係好足料，飲落啖啖都有咬口，味道又相當夠，所以好深刻。
主菜方面，我嘅意大利扁麵一送到嚟就已經聞到好香，好濃郁嘅味道。一擺低，我就已經急不及待要食喇。食落時，完全無失望嘅感覺，因為我正正將我嘅嗅覺變成一模一樣嘅味覺。蟹肉嘅份量都好合理，好欣賞佢哋用埋海膽做配料，因為將啲海膽連埋啲扁麵一齊食時，啲海膽味都依然咁出。當然，如果海膽份量都可以多啲的話，仲好！
至於阿劑嘅牛柳，就令到我哋相當失望。我哋已經叫五成熟，但係一刀切落去時，已感覺到唔只五成，最初以為外圍比較熟，點知食到中間都係咁。雖然牛味唔錯，但係食落一啲都唔似牛柳，仲好鞋添！簡直覺得白白浪費咗件牛柳，好可惜……
成晚最最最唔掂嘅，就係呢件芝士蛋糕喇。一擺落口，嘩！我覺得好粗糙，味道又唔夠，我真係無辦法堅持食晒成件，而且內心仲暗暗後悔，早知要雪糕好過，起碼穩陣啲！！
值得一提嘅係加$25嘅嗰杯紅酒，好易入口，抵！
張貼