影片
更多
2020-03-05
1560 瀏覽
呢日見有Coupon，就用外賣自取App買Lunch，凍凍哋食個湯麵，暖下都好😊。餐廳喺長沙灣保安道附近，招牌一啲都唔顯眼，但好多人喺餐廳入面食緊，目測餐廳都唔細。我一去到餐廳，外賣就已經Ready，但店員態度好鬼Hea😑。外賣包得都算穩陣，拎到返去無倒瀉。本身驚來回路程都成十幾分鐘，啲粉會浸到淋哂，點知餐廳個外賣盒設計係兩層，將湯同麵及餸分開，好貼心👍。餐廳主打泰國粉🇹🇭，平均$3x碗。湯底可揀泰國清湯或冬蔭公，而麵嘅選擇都多，有米粉、金邊粉、越南檬粉同米線等等。另外，餐廳亦都有賣飯同小食。我要咗炸蝦丸湯檬($33)，加豬頸肉($9)，總數$42，但我拎外賣時發現堂食好似貴啲，而張單都打要$48😳。唔通餐廳唔記得改App上面個價錢？冬蔭公湯好好飲🤤，好濃味，唔酸，但辣度十足，愈食愈辣，BB辣度嘅我食到流哂鼻水，咀仔可能都踵咗。不過無所謂，因為我覺得個湯底好正，配檬粉食一流！如果搭啲芽菜就好喇。至於餸料方面，我對於佢所謂嘅炸蝦丸大為失望😞，我預期係好彈牙，食到蝦肉嗰種，或者最起碼有蝦膠...。但呢粒好明顯係溝咗蟹柳絲嘅炸魚餅/蛋，完全同蝦🍤扯唔上關係，不過都唔難食嘅。另外加錢要嘅🐷豬頸
呢日見有Coupon，就用外賣自取App買Lunch，凍凍哋食個湯麵，暖下都好😊。餐廳喺長沙灣保安道附近，招牌一啲都唔顯眼，但好多人喺餐廳入面食緊，目測餐廳都唔細。
我一去到餐廳，外賣就已經Ready，但店員態度好鬼Hea😑。外賣包得都算穩陣，拎到返去無倒瀉。本身驚來回路程都成十幾分鐘，啲粉會浸到淋哂，點知餐廳個外賣盒設計係兩層，將湯同麵及餸分開，好貼心👍。
餐廳主打泰國粉🇹🇭，平均$3x碗。湯底可揀泰國清湯或冬蔭公，而麵嘅選擇都多，有米粉、金邊粉、越南檬粉同米線等等。另外，餐廳亦都有賣飯同小食。
我要咗炸蝦丸湯檬($33)，加豬頸肉($9)，總數$42，但我拎外賣時發現堂食好似貴啲，而張單都打要$48😳。唔通餐廳唔記得改App上面個價錢？
冬蔭公湯好好飲🤤，好濃味，唔酸，但辣度十足，愈食愈辣，BB辣度嘅我食到流哂鼻水，咀仔可能都踵咗。不過無所謂，因為我覺得個湯底好正，配檬粉食一流！如果搭啲芽菜就好喇。
至於餸料方面，我對於佢所謂嘅炸蝦丸大為失望😞，我預期係好彈牙，食到蝦肉嗰種，或者最起碼有蝦膠...。但呢粒好明顯係溝咗蟹柳絲嘅炸魚餅/蛋，完全同蝦🍤扯唔上關係，不過都唔難食嘅。另外加錢要嘅🐷豬頸肉就幾好食，唔會太肥，但得五細嚿，唔係好夠喉，又有啲唔抵。
總括嚟講，呢碗冬蔭功湯檬係值得好評嘅，主要係個湯底同檬粉都好食😋，而且大大碗，一定夠飽！雖然個湯好惹味，但都幾重口味，建議飲可樂解解佢。題外話，我明明喺落單時寫咗走蔥，點知打開後我發現勁多蔥😡，搞到我要嘥時間夾出嚟。
張貼
