影片
更多
2024-01-20
532 瀏覽
難得閒日放假，去到新世紀廣場行街買波鞋，行到攰攰地就搵嘢食。見到一間新開張既餐廳，裝修呀都好靚，仲行簡約路線，路過見到佢杯飲品有成個菠蘿同埋成個橙喺上面好得意，所以就被吸引咗入去試吓食。餐廳個名叫做Terence in seaside，個名呢就好有外國嘅味道啦，但係原來食物係走韓風嘅。一坐低呢，有少少開胃嘅前菜。而餐牌方面，設計睇得出好用心，喺類似期刊咁樣嘅刊物。我哋首先揀左個小食—酥脆雞胸軟骨，食落去同我哋平時一般食開嘅雞軟骨好唔同，上邊有少少肉同埋有條直身既軟骨，食完唔會成口油，仲有爽脆既雞軟骨口感，配埋炸漿好酥脆，熱辣辣親熱好好食呀。之後我哋叫咗個炸大魷魚拌炸醬麵，賣相真係一流啊，好似成隻魷魚坐住係上面咁，打卡無敵。而佢個面呢都幾好同炸醬都好夾，而且魷魚炸得金黃通透，好酥脆鬆軟，份量又岩岩好。跟住叫咗個韓國螄蚶拌飯，呢個我哋完全唔識食，開頭以為就咁撈埋一碟啦，但原來呢係佢俾咗紫菜同埋啲紫蘇葉我哋包住嚟食嘅，一個菜式，兩種食法，三種嘗試。而且仲有勁多螄蚶肉，一啖飯幾舊螄蚶勁正！ ！ ！呢個時候我哋都食到好飽，但係呢就想食埋個甜品先滿足埋第二個胃，來多個柑橘窩夫伴雪糕，但係因為原來餐
一坐低呢，有少少開胃嘅前菜。而餐牌方面，設計睇得出好用心，喺類似期刊咁樣嘅刊物。
我哋首先揀左個小食—酥脆雞胸軟骨，食落去同我哋平時一般食開嘅雞軟骨好唔同，上邊有少少肉同埋有條直身既軟骨，食完唔會成口油，仲有爽脆既雞軟骨口感，配埋炸漿好酥脆，熱辣辣親熱好好食呀。
之後我哋叫咗個炸大魷魚拌炸醬麵，賣相真係一流啊，好似成隻魷魚坐住係上面咁，打卡無敵。而佢個面呢都幾好同炸醬都好夾，而且魷魚炸得金黃通透，好酥脆鬆軟，份量又岩岩好。
跟住叫咗個韓國螄蚶拌飯，呢個我哋完全唔識食，開頭以為就咁撈埋一碟啦，但原來呢係佢俾咗紫菜同埋啲紫蘇葉我哋包住嚟食嘅，一個菜式，兩種食法，三種嘗試。而且仲有勁多螄蚶肉，一啖飯幾舊螄蚶勁正！ ！ ！
呢個時候我哋都食到好飽，但係呢就想食埋個甜品先滿足埋第二個胃，來多個柑橘窩夫伴雪糕，但係因為原來餐廳話雪糕未有貨轉左忌廉，少少失望啦。但係點都估唔到柑橘同埋窩夫可以係好夾嘅，窩夫好軟綿綿好好食，配埋柑橘好fresh又唔使搣皮，又唔會有好肥膩嘅感覺。鍾意食柑橘嘅人一定要試吓。
去到兩杯飲品啦，入嚟餐廳就係為咗呢兩杯飲品，賣相打卡當然一流冇得輸啦，味道方面就不過不失啦，個人較喜歡金菠蘿沙冰，酸酸甜甜，開胃之餘又可以有清涼冰凍嘅感覺。而柑橘乳酸特飲，因為柑橘本身有少少苦澀味，有種苦中帶甜既感覺。
4 瀏覽
0 讚好
0 留言
1 瀏覽
0 讚好
0 留言
張貼
