影片
更多
2022-01-31
55 瀏覽
又禁晚市堂食，唯有集中火力係6點前食好啲。間間餐廳都推返晚市外賣自取優惠，呢間6點後外賣85折，但我見lunch都有折，獨自食個正lunch。之前幾次都食自選壽司set，而家禁咗晚市，12-6pm堂食定外賣都9折，所以今日再豪啲，叫左特上壽司拼盤。🍱特上壽司拼盤$288（連茶碗蒸及味噌湯）拼盤有吞拿魚腩、牡丹蝦、赤貝、銀雪魚、深海池魚、魴鮄、海膽、帆立貝、鯖魚、三文魚籽🍙款款都正常，魚料新鮮，有幾款勁impressive，想encore單件。🥢帆立貝：相當鮮甜，加埋旁邊幾滴檸檬汁，仲fresh 🥢鯖魚：以為會好腥，點知完全無。平時食鯖魚壽司多數都係熟鯖魚，鯖魚刺身係截然不同嘅味道，值得一試🥢吞拿魚腩：肥美，脂香感重🥢牡丹蝦：肉質爽厚，有滿足感🍳茶碗蒸上台時熱辣辣，夠嫩滑，但當日略嫌有啲唔夠咸。中午食左個正lunch，下午時間感覺會過得快啲，早啲收工。下次再搵多個人試omakase，一個人無優惠，但第二位有半價，本身$580/$680，折埋先400幾蚊可以一戰。
之前幾次都食自選壽司set，而家禁咗晚市，12-6pm堂食定外賣都9折，所以今日再豪啲，叫左特上壽司拼盤。
🍱特上壽司拼盤$288（連茶碗蒸及味噌湯）
拼盤有吞拿魚腩、牡丹蝦、赤貝、銀雪魚、深海池魚、魴鮄、海膽、帆立貝、鯖魚、三文魚籽🍙
款款都正常，魚料新鮮，有幾款勁impressive，想encore單件。
🥢帆立貝：相當鮮甜，加埋旁邊幾滴檸檬汁，仲fresh
🥢鯖魚：以為會好腥，點知完全無。平時食鯖魚壽司多數都係熟鯖魚，鯖魚刺身係截然不同嘅味道，值得一試
🥢吞拿魚腩：肥美，脂香感重
🥢牡丹蝦：肉質爽厚，有滿足感
🍳茶碗蒸上台時熱辣辣，夠嫩滑，但當日略嫌有啲唔夠咸。
中午食左個正lunch，下午時間感覺會過得快啲，早啲收工。
下次再搵多個人試omakase，一個人無優惠，但第二位有半價，本身$580/$680，折埋先400幾蚊可以一戰。
張貼
