影片
更多
2025-01-31
293 瀏覽
好彩有book位啫，接近晚上8點嚟到都坐無虛席，即使訂左位都要等一陣。在等位期間，又不停有人入內攞位，之後餐廳更貼出告示：walk -in位已無。呢間餐廳雖然喺橫街、唔起眼，但人氣度極高。想食嘅話，真係要預先訂位好d。餐湯: 粟米湯超級超級好味啊！一入口即刻勾起喺極寒北海道嘅回憶。冰天雪地從汽水機㩒出一罐嘅熱辣辣粟米湯，當時簡直覺得係回魂丹；今日呢個餐湯比回憶中嘅罐頭湯更鮮味，入口甘甜、香濃，如果可以有得添飲就好啦！餐前小食蓮藕片爽脆可口，細細件，一啖一口，食到停唔到口。主食: 自家手打日式漢煲排飯 ($108 升級套餐+$25)在門口等位時及坐低左之後，都聽到人講“呢間嘅蛋包飯好出名㗎喎”，只不過我不嬲對蛋包飯都無咩興趣，而引左我嚟嘅係另一名物-漢堡扒飯。上枱時，見到芝麻醬伴椰菜絲山，又再次喚醒我對日本嘅回憶，因為每次喺日本食吉列豬扒飯都一定會有呢個椰菜絲山伴碟的。估唔到我而家食漢堡扒都同樣可以食到呢個爽甜脆口嘅椰菜絲，真係剩食配菜都夠晒滿足。主角漢堡扒都ok嘅，厚身、juicy ；個人覺得個汁味道較濃，所以我無咩點汁去食，就咁漢堡扒撈飯食已經好好食。飲品: 日式蜜瓜梳打即係蜜瓜味嘅
餐湯: 粟米湯
超級超級好味啊！一入口即刻勾起喺極寒北海道嘅回憶。冰天雪地從汽水機㩒出一罐嘅熱辣辣粟米湯，當時簡直覺得係回魂丹；今日呢個餐湯比回憶中嘅罐頭湯更鮮味，入口甘甜、香濃，如果可以有得添飲就好啦！
餐前小食
蓮藕片爽脆可口，細細件，一啖一口，食到停唔到口。
主食: 自家手打日式漢煲排飯 ($108 升級套餐+$25)
在門口等位時及坐低左之後，都聽到人講“呢間嘅蛋包飯好出名㗎喎”，只不過我不嬲對蛋包飯都無咩興趣，而引左我嚟嘅係另一名物-漢堡扒飯。上枱時，見到芝麻醬伴椰菜絲山，又再次喚醒我對日本嘅回憶，因為每次喺日本食吉列豬扒飯都一定會有呢個椰菜絲山伴碟的。估唔到我而家食漢堡扒都同樣可以食到呢個爽甜脆口嘅椰菜絲，真係剩食配菜都夠晒滿足。主角漢堡扒都ok嘅，厚身、juicy ；個人覺得個汁味道較濃，所以我無咩點汁去食，就咁漢堡扒撈飯食已經好好食。
飲品: 日式蜜瓜梳打
即係蜜瓜味嘅汽水囉，蜜瓜味都ok嘅，唔太假，又唔會好甜。
甜品: 北海道十勝牛乳巴斯克芝士蛋糕 ($52)
呢個一定要點，入口慢慢融化嘅口感深得我心；加上有我鍾意嘅日本牛奶味，香濃滑溜；淡淡嘅芝士味夠香，又正好平衡到牛奶味，入口就係分辨到牛奶同芝士嘅香濃味，但又唔會係兩種分開嘅味道，好好食。
餐廳細細間，大約有20個位；佈置有少少復古風，我覺得好靚；店員都係青春一旅，唔會極度熱情招待，但好有禮貌，佢地因為我訂左位都要我等一陣先有位，而不停同我say sorry ，讚。
總結係，餐廳出名總有原因嘅，而我喜歡呢度，係因為喺呢度我食到日本嘅味道，唔係話好食到要俾100個Like果個程度，但我覺得可以讓我回味無窮，嚟開荃灣都會考慮再嚟食過。
張貼
