影片
更多
2019-12-28
7203 瀏覽
之前有緣喺度食過lunch，個道地得好緊要嘅羅宋湯深深咁捉緊咗我個胃於是就同朋友講一定要去試dinner，約咗好耐，終於成事5個人第一次食（得我第二次食），睇menu咩都想食所以唔知食咩好，又有個朋友無咩胃口，就俾個budget交俾太子爺發板烏克蘭式omakase（所以我唔知啲dish叫咩名sor）首先上嘅係紅茶，第一次飲紅茶係可以咁香（心急飲，無影）聽太子爺介紹，係普通茶葉混入烏克蘭當地曬香嘅士多啤梨葉，再加少少蜜糖，好飲到好快就要refill第一道菜係沙律，入面有雞肉，薯仔之類咁樣，好清新嘅味道！我平時唔多鍾意食呢種沙律都覺得唔夠食之後係煎得好香嘅熱辣辣薯餅，一上枱已經香到爭啲唔記得影相加sour cream一齊食，好食到秒咗之後係邪惡拉絲芝士焗牛同蘑菇啲牛好淋，個醬好香，加埋好多蘑菇熱辣辣放上個麵包（？）度一齊食，好食到震然後竟然係餃子！我好鍾意食餃子！太子爺教落，餃子都可以點sour cream一試... 果然非常正！sour cream好勁！餃子個皮好煙韌，like以上都只係前菜，而家先係main course第一道係鴨胸！蘋果！個鴨胸好香，配埋甜甜嘅果醬，白飯魔人表示突然有
於是就同朋友講一定要去試dinner，約咗好耐，終於成事
5個人第一次食（得我第二次食），睇menu咩都想食所以唔知食咩好，又有個朋友無咩胃口，就俾個budget交俾太子爺發板烏克蘭式omakase（所以我唔知啲dish叫咩名sor）
首先上嘅係紅茶，第一次飲紅茶係可以咁香（心急飲，無影）
聽太子爺介紹，係普通茶葉混入烏克蘭當地曬香嘅士多啤梨葉，再加少少蜜糖，好飲到好快就要refill
第一道菜係沙律，入面有雞肉，薯仔之類咁樣，好清新嘅味道！我平時唔多鍾意食呢種沙律都覺得唔夠食
沙律
101 瀏覽
2 讚好
0 留言
之後係煎得好香嘅熱辣辣薯餅，一上枱已經香到爭啲唔記得影相
加sour cream一齊食，好食到秒咗
薯餅+sour cream
305 瀏覽
1 讚好
0 留言
之後係邪惡拉絲芝士焗牛同蘑菇
啲牛好淋，個醬好香，加埋好多蘑菇熱辣辣放上個麵包（？）度一齊食，好食到震
燉蘑菇同牛
359 瀏覽
1 讚好
0 留言
然後竟然係餃子！我好鍾意食餃子！
太子爺教落，餃子都可以點sour cream
一試... 果然非常正！sour cream好勁！
餃子個皮好煙韌，like
餃子
161 瀏覽
1 讚好
0 留言
以上都只係前菜，而家先係main course
第一道係鴨胸！蘋果！
個鴨胸好香，配埋甜甜嘅果醬，白飯魔人表示突然有種想食白飯嘅感覺
鴨胸
118 瀏覽
1 讚好
0 留言
第二道，炸雞加蕃薯片
由於上菜都幾快吓，一路忙住食食食，呢碟開始發現聲稱無咩胃口嘅朋友係咁喺度食啲蕃薯片
個炸雞啲肉好淋，個皮炸得香到唔似雞皮，平時唔食雞皮嘅我都一粒碎都不留咁秒咗
另外個醬都好正，必點
炸雞同蕃薯片
146 瀏覽
2 讚好
0 留言
第三度，羊架煲
一上就成陣香到明明已經食咗好多嘢都即刻流哂口水咁
個羊炆得軟到就咁搵羹就扒得開，啲薯仔都入味又淋哂，正到不得了
上嗰陣係滾燙嘅，唔好咁心急食呀
羊架
134 瀏覽
2 讚好
0 留言
第四道，亦係今日主角（？），燒豬肋骨
應該係招牌菜嚟，係上咗枱等大家ready先會點火，完美打卡呃like機會嚟喇
好淋好淋嘅豬肉，配上浸咗酒味汁嘅蕃茄，係好意外但都好食得好緊要嘅配搭
火燒豬肋骨
115 瀏覽
1 讚好
0 留言
嚟到呢度本身已經開始捧住個肚，點知太子爺再上咗2碟甜品
類似芝士pancake嘅嘢，加加咗士多啤梨嘅sour cream
又係sour cream
無諗過喺呢個位會有sour cream，味覺好特別，一啲都唔膩，正呀
芝士pancake（？）
184 瀏覽
2 讚好
0 留言
最後最後，係蜂蜜蛋糕
似乎係蛋糕+蜂蜜+cream咁樣疊起而成，甜得嚟有蜜糖香味
有朋友話太飽食唔落，太子爺主動話幫包起件蛋糕，最後朋友受唔住周圍啲人係咁話好食嘅折磨，食哂成件🤣🤣🤣🤣
蜜糖蛋糕
167 瀏覽
1 讚好
0 留言
太子爺同老闆娘好好咁費心安排啱啱好食哂嘅餐單，雖然無羅宋湯，但都已經約緊下次再食
當然，話無咩胃口個朋友，最終我懷疑佢食得仲多過我
張貼
