泰國婆

營業中

休息中

搭西鐵去到屯門站, 食埋晚飯先返屋企, 呢度食肆都唔少, 呢間泰式餐廳招牌都幾趣怪, 電子餐牌見到選擇都唔少, 座位唔算多, 但係都幾闊落。泰式柚子鮮蝦沙律柚子好清甜, 鮮蝦大隻爽脆, 少少辣辣地, 加上有花生粒, 惹味又開胃。泰式炸蝦餅呢個係食親泰國菜嘅必點菜式, 蝦餅炸得香脆, 蝦肉好爽口, 點埋泰式甜醬就更美味。泰式乾炒豬肉片河粉炒得幾有鑊氣, 豬肉片爽脆, 份量都唔少, 加上翠綠嘅芥蘭, 河粉滑溜, 唔會油淋淋。泰式黄咖哩牛腩牛腩炆得好腍滑, 黃咖哩甜甜地幾畀惹味, 醬汁好香濃, 加配白飯就最啱, 薯仔夠腍又入味。食完嘢嘆返杯杯飲下泰式菠蘿刨冰, 酸酸甜甜好醒胃。