影片
更多
2018-02-26
963 瀏覽
04-02-2018補食姨甥女庭庭5歲生日飯，因為要就家姐佢地，所以就選擇響將軍澳食飯！上開飯睇左幾間，最後我決定食【潮庭】，因為佢個名有我姨甥女個名🤪當晚訂左8位，好在有打電話訂枱，因為當晚好爆場，門外都有好多人等位，家中男人好隨意，所以我同家姐負責點菜。杏汁豬肺湯：呢個湯好飲呀！夠奶白！連我個他仔平時唔鐘意飲湯都飲左兩碗煎蠔餅：老老實實，當初睇大家都覺得賣相一般，估佢唔多好食！點知有意外驚喜，個蠔餅好好食，仲係最快被人瓜分晒鹵水鵝片：呢個比較普通，無乜特別蒜容豆苗：豆苗都炒得好好，唔會太老，不過如果再多啲蒜蓉就更加正涼瓜炆魚：呢道魚最失望，因為餐牌無圖睇，大家都一致以為係一條魚上，點知原來係魚件，味道普普通通，同埋涼瓜炒唔熟邊生生地，只有呢碟有食剩梅菜扣肉：呢個好好味！只係扣肉太瘦了！但啲梅菜同汁都好好送飯潮或煎麵餅：呢個麵個個都好鐘意食，加埋糖醋超級好味道，但我食開既都係兩面都會煎，而呢個就只係煎單面，雖然係咁，仍然係好味道😋紅棗糕：呢個甜點係壽星妹點既，因為我姐夫同姨甥都嗜甜，同埋平時我家姐都有整呢啲糕點比姨甥女食，我自己覺得幾好食，因為唔會太甜，姨甥就話佢媽咪整得好食啲喎🤪楊
當晚訂左8位，好在有打電話訂枱，因為當晚好爆場，門外都有好多人等位，家中男人好隨意，所以我同家姐負責點菜。
杏汁豬肺湯：呢個湯好飲呀！夠奶白！連我個他仔平時唔鐘意飲湯都飲左兩碗
煎蠔餅：
老老實實，當初睇大家都覺得賣相一般，估佢唔多好食！點知有意外驚喜，個蠔餅好好食，仲係最快被人瓜分晒
鹵水鵝片：
呢個比較普通，無乜特別
蒜容豆苗：
豆苗都炒得好好，唔會太老，不過如果再多啲蒜蓉就更加正
涼瓜炆魚：
呢道魚最失望，因為餐牌無圖睇，大家都一致以為係一條魚上，點知原來係魚件，味道普普通通，同埋涼瓜炒唔熟邊生生地，只有呢碟有食剩
梅菜扣肉：
呢個好好味！只係扣肉太瘦了！但啲梅菜同汁都好好送飯
潮或煎麵餅：
呢個麵個個都好鐘意食，加埋糖醋超級好味道，但我食開既都係兩面都會煎，而呢個就只係煎單面，雖然係咁，仍然係好味道😋
紅棗糕：呢個甜點係壽星妹點既，因為我姐夫同姨甥都嗜甜，同埋平時我家姐都有整呢啲糕點比姨甥女食，我自己覺得幾好食，因為唔會太甜，姨甥就話佢媽咪整得好食啲喎🤪
楊枝金露：
我鐘意呢個甜甜酸酸地既味道，又有雪糕食，明明係我既飯後點品，但到我手時雪糕比小朋友分左，得返碗糖水比我😅
芒果布甸：
呀仔點既，個布甸做得幾好！
整體黎講，呢餐大家都好滿意！
張貼
