影片
更多
2016-05-10
551 瀏覽
今日我老友話唔帶一啲新同事收工出嚟食飯，由於幾個人都係第一次見面，所以佢決定組織一個火鍋飯局。因為食火鍋，大家可以圍住十下十下咁，飲下啤酒傾吓計，會容易啲熟。比起去西餐廳過度拘束嘅氣氛，大家會融洽d. 佢同我講揀"滾得棧"，係因為呢度啲食物真材實料，又夠新鮮，一定可以滿足到大家唔同嘅需要。起碼唔會第一次出嚟就俾人賺地方唔好食。對於我來講無所謂啊，因為我都幾鍾意食火鍋呢！雖然今晚雖然係星期一，估唔估一間係天后嘅火鍋店會全場爆滿！我第一個到咗，坐住預定左既圓枱。店員驚我一個人悶悶地，即刻送上竹蔗茅根水，甜甜地，好味！無無聊聊翻開個菜單睇吓，呢度啲火鍋菜式豐富湯底有多。好彩唔夠15分鐘，個個都到齊。原本我哋諗住叫一個普普通通嘅湯底，店員就同我地推介呢個潮州湯底，因為出面好少有。而且佢哋強調所有湯底都冇落味精，係可以當湯飲嘅，聽到佢咁講我哋即刻七嘴八舌咁叫啲特色湯底黎飲湯。潮州湯底 含大地魚、肉碎、蔥花 HK 69味菜胡椒豬肚湯底 HK 79潮州湯底上面有紫菜，裡面有豆腐、大地魚等，仲有好多唔同嘅餡料，果然非常美味。同我哋平時食潮州粥嘅感覺好類似，非常足料。之後當然係先叫一D 常規美食。手打丸
因為食火鍋，大家可以圍住十下十下咁，飲下啤酒傾吓計，會容易啲熟。比起去西餐廳過度拘束嘅氣氛，大家會融洽d.
佢同我講揀"滾得棧"，係因為呢度啲食物真材實料，又夠新鮮，一定可以滿足到大家唔同嘅需要。起碼唔會第一次出嚟就俾人賺地方唔好食。
對於我來講無所謂啊，因為我都幾鍾意食火鍋呢！雖然今晚雖然係星期一，估唔估一間係天后嘅火鍋店會全場爆滿！我第一個到咗，坐住預定左既圓枱。
店員驚我一個人悶悶地，即刻送上竹蔗茅根水，甜甜地，好味！無無聊聊翻開個菜單睇吓，呢度啲火鍋菜式豐富湯底有多。
好彩唔夠15分鐘，個個都到齊。原本我哋諗住叫一個普普通通嘅湯底，店員就同我地推介呢個潮州湯底，因為出面好少有。而且佢哋強調所有湯底都冇落味精，係可以當湯飲嘅，聽到佢咁講我哋即刻七嘴八舌咁叫啲特色湯底黎飲湯。
潮州湯底 含大地魚、肉碎、蔥花 HK 69
味菜胡椒豬肚湯底 HK 79
潮州湯底上面有紫菜，裡面有豆腐、大地魚等，仲有好多唔同嘅餡料，果然非常美味。同我哋平時食潮州粥嘅感覺好類似，非常足料。之後當然係先叫一D 常規美食。
手打丸係我嘅至愛。
佢哋呢度嘅手打丸冇落蝦膠魚膠等添加物，全部用真材實料嘅墨魚加蝦或其他海鮮用人手打到起膠，所以食得出非常新鮮同彈牙，我推介呢個手打蝦丸！食得出唔同！鮮海蝦仲係活蝦，好大隻。而且蝦頭膏好多好香，新鮮係唔同d !!
手切牛頸脊火鍋食牛又係另一個指定動作。
因為我哋人多，所以叫咗大碟嘅。牛嘅肉質好軟，脂肪分布平均，似食和牛。只需要十秒鐘，便可以即時享用呢一個牛味濃既牛勁脊。花膠呢啲咁養顔嘅食材，美女團又點會錯過呢！
呢度嘅花膠爽滑又大筒，有驚喜！係出面通常都係小花膠，呢度食到嘅花膠夠大隻，膠元蛋白豐富。打邊爐之外，我地仲食咗一啲小菜。以下三款係我覺得係火鍋店可以食到咁嘅水準，係值得推介同分享嘅。
脆皮咕嚕肉
味濃，肉片大，啖啖肉，個酸汁好到位。
生炒糯米飯用了豐富材料炒得好香。佢哋冇用糯米炒，我見到係一條條幼幼嘅泰國米，咁樣反而令口感清新，唔會食得太滯。
蝦膠釀油條呢個即叫即做既油條夠脆，蝦膠彈牙有蝦味，一碟有成六七塊，可以share !
今日發現左呢間滾得棧，對佢印象大好。店員話佢哋平時日抖係賣點心，亦都係新鮮食材為主打，或者下一次再嚟嘗試佢哋嘅點心吧。
張貼
