影片
更多
2023-12-12
47 瀏覽
想同朋友食omakase 好耐，終於決定豪返一次～揀咗之前有朋友食過嘅呢間花晨月夕，因為佢係主打時令菜式，所以每次嘅餐牌都會有所不同，充滿驚喜！上一次朋友食咗手板咁大隻北海道鮑魚，唔知今次又有咩驚喜呢？我地就將我哋嘅命運交畀廚師發板啦！🥰菜單分三個級數，分Flower、Sun同埋Moon，我哋橫掂要豪，就豪得徹底啲，叫咗一Omakase Sun🌞($1380)同一個Omakase Moon🌝($1580)。Menu入面包括：先付、刺身、御料理、壽司、湯同埋水果。除咗刺身同壽司兩個menu會有啲分別之外，其他各項都係一樣！😋👍🏻🌞🌝先付：炸北海道公魚，糖漬栗子，柚子蘿蔔，芝麻昆布、糖漬黑豆同水雲，擺盤好有心思，好似一件小型嘅擺設。每樣食材都好新鮮，店員話廚師會選用當季最新鮮嘅食材。🥰👍🏻每樣漬物都各有特色，糖漬栗子同黑豆口感好綿密，有淡淡嘅甜味；炸公魚同芝麻昆布就好脆口；最鍾意個柚子蘿蔔同埋水雲，酸咪咪好開胃，仲可以為接住落嚟嘅大餐作好品嚐嘅準備！刺身～🌞Omakase Sun：刺身三款：鮫鰈魚片（3片）、火炙鰤魚片（厚切）、魚籽馬糞海膽配蟹肉蟹膏（配海苔）。兩種魚片各有千秋，因為食材新
菜單分三個級數，分Flower、Sun同埋Moon，我哋橫掂要豪，就豪得徹底啲，叫咗一Omakase Sun🌞($1380)同一個Omakase Moon🌝($1580)。
Menu入面包括：先付、刺身、御料理、壽司、湯同埋水果。除咗刺身同壽司兩個menu會有啲分別之外，其他各項都係一樣！😋👍🏻
🌞🌝先付：炸北海道公魚，糖漬栗子，柚子蘿蔔，芝麻昆布、糖漬黑豆同水雲，擺盤好有心思，好似一件小型嘅擺設。每樣食材都好新鮮，店員話廚師會選用當季最新鮮嘅食材。🥰👍🏻每樣漬物都各有特色，糖漬栗子同黑豆口感好綿密，有淡淡嘅甜味；炸公魚同芝麻昆布就好脆口；最鍾意個柚子蘿蔔同埋水雲，酸咪咪好開胃，仲可以為接住落嚟嘅大餐作好品嚐嘅準備！
先付
3 瀏覽
0 讚好
0 留言
刺身～
🌞Omakase Sun：
刺身三款：鮫鰈魚片（3片）、火炙鰤魚片（厚切）、魚籽馬糞海膽配蟹肉蟹膏（配海苔）。
兩種魚片各有千秋，因為食材新鮮，所以非常鮮甜！火炙令鰤魚嘅魚油油香提升咗一個層次，食完齒頰留香！海膽配蟹肉就唔使多講，配埋脆脆嘅海苔，豐富嘅口感令到我就算吞咗之後，都會響口腔中留有餘韻～🥰🥰😋
Omakase Sun的刺身三款
2 瀏覽
0 讚好
0 留言
🌝Omakase Moon：
刺身五款：1）鮫鰈魚片包甜蝦他他，上面有鱘魚子；
2）佐呂間湖生蠔（淡水蠔我都係第一次食🤭😝），蠔味清甜，蠔肉爽脆，口感一流！
3）火炙北海道白子，配上辣蘿蔔蓉，平衡返白子嘅濃郁味道，感覺濃而不膩！
4）馬糞海膽三文魚籽杯上枱賣相好精緻，服務員介紹，三文魚籽係經廚師漬制過，食味無平時食嗰啲三文魚籽咁濃，反而有淡淡嘅甜味，配合濃鬱嘅海膽，相輔相成，令人十分滿足！
5）當然，唔少得嘅就係口感一流嘅火炙鰤魚片！
Omakase Moon的刺身五款
2 瀏覽
0 讚好
0 留言
🌞🌝御料理：海之米鹽麴煮🥣
鹽麴煮即係先用鹽去讓米發酵成麴，而啲米煮熟之後，會好似粥嘅口感，但係會有一陣鹹鮮嘅味道，加上新鮮嘅蟹棒、蟹鉗、帆立貝、魷魚同埋白蜆～令到呢味料理非常鮮甜！😋
壽司～
海之米鹽麴煮
1 瀏覽
0 讚好
0 留言
十多款壽司用嘅生魚片各有千秋，由味淡食到味濃，就可品嚐各種魚片嘅魚油同香氣～附上嘅麵豉醬漬蒜頭同薑片，尤其起到點睛之用，有助於每款壽司之間，清空口內餘韻～
🌞Omakase Sun：
1)真鯛、深海池魚、帆立貝附柚子皮
2)富山縣小白蝦、地金目鯛、銀鱈魚、關鯖魚、中拖羅
🌝Omakase Moon：
1)伊佐木，間白魚，象拔蚌，帆立貝附竹炭鹽
2)甜蝦他他、金線鯛、黑鯥魚、手釣池魚、中拖羅
🌞🌝北海道赤海膽：除咗赤海膽，上面仲加咗北海道淡雪鹽同食用金箔粉～除咗好鮮味之外，噴灑金粉呢一刻仲儀式感滿滿呢！以脆海苔包裹，一口而盡，真係十分過癮！🥰🥳👍🏻
赤海膽配北海道淡雪鹽
10 瀏覽
0 讚好
0 留言
🌞🌝吸物～
蟹棒真丈清湯：除咗蟹棒之外，真丈其實即係大蟹丸，配合清甜嘅湯汁，飲完之後十分暖和，可以平衡返刺身同壽司嘅生冷！
蟹棒真丈湯
14 瀏覽
0 讚好
0 留言
🌞🌝水果～
北海道赤肉密瓜🍈，香印提子🍇
兩款水果都好合時令，清甜多汁，可緩和口腔內海鮮嘅味道，亦為呢頓豐富晚餐或上完美嘅句號！！💞👍🏻😋
赤蜜瓜+香印提子
1 瀏覽
0 讚好
0 留言
（前）佐呂間湖生蠔 （後）鮫鰈魚片
0 瀏覽
0 讚好
0 留言
張貼
