影片
更多
2021-04-22
325 瀏覽
行過見到呢一間店舖好似新開，門口餐牌又唔係特別貴，所以就入左去！望完厚厚嘅餐牌，最後都係試吓廚師發辦（貪佢乜嘢都有）👍🏻廚師發辦 （户）跟刺身、8件壽司、牛肉烏冬、甜品、茶碗蒸刺身拼盤賣相岩哂打卡！刺身包括拖羅、深海池魚、北海道牡丹蝦、活北寄貝。全部大有驚喜，款款都好驚艷。特別係北海道牡丹蝦，超大隻超甜，蝦頭仲有好多蝦膏，活北寄貝比刺身比平時嘅淺色，同時地卻更加爽口，由於放咗幾片檸檬係底，食落亦都會帶少少嘅酸，間接地辟咗啲腥。魚類刺身好鮮，肉質細嫩肥美，帶有滿滿嘅魚油香～壽司方面: 都會主要由淡味到濃味遞上台，一件一件新鮮送上。師傅仲會每件都介紹，超細心，食起上黎都有份尊重感。有拖羅、牡丹蝦、赤貝、銀鱈魚、深海池魚、帶子、鯖魚、海膽、白蝦。有部份刺身已經品嚐過，特別想講銀鱈魚，色澤粉嫩魚肉夠實，帶有重重魚脂，好香。拖羅超厚一片，食落口感夠綿，亦左入口即融既口感！海膽無腥無臭，幾CREAMY而且夠滑膩，廚師仲疊到非常之高。食完咁多嘢之後，仲有一碗牛肉稻庭烏冬同茶碗蒸，烏冬口感彈牙，牛肉薄薄地一片好吸湯，配埋昆布同蔥花，清一清左刺身壽司嘅油膩感。茶碗蒸都好滑，不過味道相對地淡（蛋味如果重一
望完厚厚嘅餐牌，最後都係試吓廚師發辦（貪佢乜嘢都有）
👍🏻廚師發辦 （户）
跟刺身、8件壽司、牛肉烏冬、甜品、茶碗蒸
刺身拼盤賣相岩哂打卡！刺身包括拖羅、深海池魚、北海道牡丹蝦、活北寄貝。全部大有驚喜，款款都好驚艷。
特別係北海道牡丹蝦，超大隻超甜，蝦頭仲有好多蝦膏，活北寄貝比刺身比平時嘅淺色，同時地卻更加爽口，由於放咗幾片檸檬係底，食落亦都會帶少少嘅酸，間接地辟咗啲腥。魚類刺身好鮮，肉質細嫩肥美，帶有滿滿嘅魚油香～
壽司方面: 都會主要由淡味到濃味遞上台，一件一件新鮮送上。師傅仲會每件都介紹，超細心，食起上黎都有份尊重感。
有拖羅、牡丹蝦、赤貝、銀鱈魚、深海池魚、帶子、鯖魚、海膽、白蝦。有部份刺身已經品嚐過，特別想講銀鱈魚，色澤粉嫩魚肉夠實，帶有重重魚脂，好香。拖羅超厚一片，食落口感夠綿，亦左入口即融既口感！海膽無腥無臭，幾CREAMY而且夠滑膩，廚師仲疊到非常之高。
食完咁多嘢之後，仲有一碗牛肉稻庭烏冬同茶碗蒸，烏冬口感彈牙，牛肉薄薄地一片好吸湯，配埋昆布同蔥花，清一清左刺身壽司嘅油膩感。茶碗蒸都好滑，不過味道相對地淡（蛋味如果重一點就更正，另外仲有少少芫茜鋪面，如果唔鍾意食嘅人記住要走左佢）
最後最後仲有一球黑糖雪糕俾我，雪糕口感滑膩，作為飯後甜品真係一流！
👍🏻👍🏻餐廳嘅海鮮由日本豐洲運港，保餐廳所用嘅食材都係最優質同新鮮 ，誠意推介大家嚟幫襯一下～
張貼
