影片
更多
2024-07-08
317 瀏覽
生活，工作，家庭，日日都好似打仗咁，手頭上永遠都有做唔完嘅嘢，永遠都有要做嘅事，冇一刻可以抖下氣。我知自己快頂唔順喇 壓力真係好大，所以畀咗自己放假嚟油塘行吓山睇吓海。有時人係咁㗎啦，想放鬆吓、想改變吓啲一成不變嘅日程，就一定要做啲平時唔會做嘅嘢，嚟個唔同啲嘅Me-time，所以一大早就安排咗去魔鬼山。一路行上山嗰陣係有啲後悔嘅，點解仲要搞到自己咁攰😆但係當我行到山頂嗰一刻就覺得，為咗嗰片海景！抵喇！落山嗰陣遇到咗一對老夫婦，就問咗佢哋附近有咩好食可以推介？你知道呢樣嘢對一個I人嚟講，同陌生人搭訕係一個好大嘅突破喇。阿婆人好好，推介咗佢哋啱啱去食過嘅早餐俾我—茶記研究所，仲話佢覺得我會鍾意？！都唔知阿婆邊度嚟嘅信心覺得我會鍾意？嚟到呢度，睇咗環境....嗯...真係幾鍾意😆餐廳嘅裝修唔係舊式茶餐廳，裝修好新潮，俾人感覺好乾淨舒服。侍應安排咗個位畀我一個人，服務都好好，上菜都好快。我叫咗沙嗲牛肉麵+熱奶茶同滑蛋多士，沙嗲牛肉麵-呢個係我細個同婆婆一齊去茶餐廳時成日叫嘅嘢食。食完之後，我都想喊咗🥲諗起細個嘅味道，突然好掛住細個婆婆餐餐帶我嚟食茶餐廳，我仲扭計話以後大個咗我唔要再食沙嗲牛肉喇
嚟到呢度，睇咗環境....嗯...真係幾鍾意😆餐廳嘅裝修唔係舊式茶餐廳，裝修好新潮，俾人感覺好乾淨舒服。侍應安排咗個位畀我一個人，服務都好好，上菜都好快。我叫咗沙嗲牛肉麵+熱奶茶同滑蛋多士，沙嗲牛肉麵-呢個係我細個同婆婆一齊去茶餐廳時成日叫嘅嘢食。食完之後，我都想喊咗🥲諗起細個嘅味道，突然好掛住細個婆婆餐餐帶我嚟食茶餐廳，我仲扭計話以後大個咗我唔要再食沙嗲牛肉喇！點知，過咗20年後食返沙嗲麵竟然會食到想喊！婆婆知一定話我傻仔都咁大個人喇，食個沙嗲麵想喊成咁😆好彩有杯奶茶幫我冷靜返。暖笠笠嘅奶茶香味啖啖飲 落去 就好似將我熱辣辣嘅眼淚一齊飲咗落去咁
喺度望住啲人嚟嚟往往咁樣過我嘅Me-time，喺度諗咗好多嘢。埋單嗰陣先發現度嘢食咁好食環境又咁好竟然咁平？！沙嗲牛肉麵+奶茶淨係使$42咋？！決定咗！呢度實係我下次必嚟嘅回憶餐廳！仲要多謝嗰對老夫婦嘅推介，如果唔係佢哋我就錯過咗呢間寶藏餐廳喇😭
最後想同睇到呢度嘅朋友講：好多嘢都冇想像中咁重要，唔需要同其他人比較，畀自己唔必要嘅焦慮，放過自己，可以做吓自己想做嘅嘢都得㗎！加油！
張貼
