Nisugu (雙子匯1期)

營業中

休息中

同家人去行新開嘅SOGO，見食評唔錯去試試，主要見有西班牙海鮮飯，老人家應該啱食。walkin 排咗大概20-25分鐘隊，入座前先講西班牙海鮮飯售罄，咁都照入，試一試新餐廳。最離譜，發現比我哋後入嘅人叫到西班牙海鮮飯！個侍應話係我哋落單之後先有(?)，本身入座之前我哋已經表示想食，當時佢仲好好心地同我哋推介其他菜色，然後個待應先搵經理處理，但口罩經理解釋嚟嚟去去得一句，態度差，原本開開心心嘅飯都冇心情繼續食。軟殼蟹蟹肉西班牙飯 $198蟹肉偏少，1隻軟殼蟹，飯未熟已經拎咗去焗，明顯飯好硬，絕對唔係想像中西班牙飯成盤拎去煮。Spanish Sucking Pig $268好食嘅，肥瘦分明有脆皮，蘋果蓉解膩。Gambas Al Ajillo $128蒜油唔會錯，但一片簿麵包唔過癮。Iberia Ham Fig Salad $118份量偏少。