牛気 (如心廣場二期)

營業中

休息中

book咗五點半傍晚，全間店只得兩三枱客 接待員姐姐安排一張二人對座枱。 我同我朋友兩位每人帶咗一個背囊，冇位擺嘢好唔方便，個場咁少人，咁我問嗰位姐姐可唔可以畀我坐四人卡位，跟住佢話唔好意思，啲四人卡位留咗畀嚟緊嘅客人。 我答佢我七點前都走 可唔可以通融一下 佢話真係唔好意思冇辦法 咁我都算數 諗住佢哋生意好，唔做西客。兩個人張枱細食嘢已經好唔方便 ，點知唔到十分鐘，接待姐姐就安排另外兩個人坐張四人卡位度，完全係大細超，而且直到我食完埋單嗰一刻，成個場有一半都仲未有人坐。要我坐咁細嘅枱 ，又唔多啲嚟幫手執碟，由得我成張枱都係，成班女侍應就喺度圍住個帶lv皮帶經理吹水唔做嘢。真係不知所謂， 唔肯轉枱都冇理由喺我面前即刻入2人客去4人卡位，仲要呃我話好多人book咗， 食到咁委屈唯有將事實寫出黎。嘢食質素就一般，咁嘅服務我就冇意欲再去。