影片
更多
2021-12-02
520 瀏覽
第一次食飯食到咁嬲同朋友約咗食生日lunch，當日係星期六所以只有a la carte，Book枱嗰陣都講明話朋友生日想問吓有冇甜品，同事都答咗冇問題到食飯嗰日，行到身水身汗去到門口先知冇得寫紙仔，只可以用安心出行，我問咦唔係去到12月9號先必須咩我都唔知添，但門口個外國人(可能係其中一個老闆)語氣好唔友善，好不屑嘅態度叫我即場download，手機爆咗data又load得好慢，附近幾枱又好似飲醉酒咁不停喧鬧，果下已經冇乜心情食，但生日嘅朋友嚟緊又冇理由即場cancel…到坐低咗，有麵包牛油同水，麵包牛油好出色(可惜唔記得影相)我哋兩個嗌左牛面肉，帶子同蝸牛，老實講真係好好食，係個帶子份量少得可憐，200幾300蚊先得四粒，老實講食法國菜都預咗份量係細，但仲細過作為前菜嘅蝸牛(有六粒)就真係少少出乎意料之外，離開餐廳之後我哋肚餓到要直落再去食三哥…之後又叫佢refill麵包同水，我哋淨係食咗一舊麵包情況之下，嗰兩個女侍應輪流問我仲要唔要，我講咗“要!”之後，唔夠幾分鐘佢都係一下子收咗我嘅，果下真係呆咗，位南亞裔女侍應仲攞走咗我哋個水樽就走咗去抹杯，叫極都唔返嚟，變咗我哋兩個人一人比$3
同朋友約咗食生日lunch，當日係星期六所以只有a la carte，Book枱嗰陣都講明話朋友生日想問吓有冇甜品，同事都答咗冇問題
到食飯嗰日，行到身水身汗去到門口先知冇得寫紙仔，只可以用安心出行，我問咦唔係去到12月9號先必須咩我都唔知添，但門口個外國人(可能係其中一個老闆)語氣好唔友善，好不屑嘅態度叫我即場download，手機爆咗data又load得好慢，附近幾枱又好似飲醉酒咁不停喧鬧，果下已經冇乜心情食，但生日嘅朋友嚟緊又冇理由即場cancel…
到坐低咗，有麵包牛油同水，麵包牛油好出色(可惜唔記得影相)
我哋兩個嗌左牛面肉，帶子同蝸牛，老實講真係好好食，係個帶子份量少得可憐，200幾300蚊先得四粒，老實講食法國菜都預咗份量係細，但仲細過作為前菜嘅蝸牛(有六粒)就真係少少出乎意料之外，離開餐廳之後我哋肚餓到要直落再去食三哥…
之後又叫佢refill麵包同水，我哋淨係食咗一舊麵包情況之下，嗰兩個女侍應輪流問我仲要唔要，我講咗“要!”之後，唔夠幾分鐘佢都係一下子收咗我嘅，果下真係呆咗，位南亞裔女侍應仲攞走咗我哋個水樽就走咗去抹杯，叫極都唔返嚟，變咗我哋兩個人一人比$30，淨係飲咗一杯好細嘅水。。。同佢講埋單，又話好呀，之後繼續返去抹杯，另一個就全程㩒電話唔理人，老實講真係唔expect服務態度差到咁
去到真係埋單喇，先知原來生日甜品係要錢，要錢當然唔係問題，但你要事前通知，等客人選擇要唔要囉。前後同四個職員講過要寫乜嘢要邊款，從來冇一個人提及過係要錢
之後有寫email同佢哋反映，時隔大半星期係仍然冇收到任何回應
綜合以上所有嘢，除咗食物質素好之外，由份量服務態度環境etc都係完全不可一不可再
Beef cheek
26 瀏覽
1 讚好
0 留言
張貼
