嵐月 (AIRSIDE)

營業中

休息中

今天中午同同事去試新嘢，由於是即興，沒有訂枱，餐廳只剩近門口bar 枱附近用嚟飲嘢嘅細枱，我哋只有2個人，不覺得太細，也算舒適，坐低就點咗蝦腸，鱈魚餃，牛柳酥及叉燒，落單點菜時，職員很帖心提出可以逐個點心上，慢慢享用，但真正到上菜時，職員不停咁將點心往枱上塞，連茶壺都要拎走放係bar枱上，中間上錯叉燒腸，職員只是「好呀」就拎住碟錯送嘅叉燒腸走咗，完全沒有交代😳同事忍冇可忍之下，趁經理經過，反映情況，職員終於拿出一個小茶几放在側邊，先終於可以飲到茶。講返食物質素的確是不俗，叉燒有燶邊，肉是偏瘦的，夠香，牛柳酥外皮真係非常之酥脆，一咬即散，鱈魚餃內陷夠鮮，蝦腸的蝦亦係脆口的，最後甜品石獅黑麻糕是送的，滑得嚟有芝麻香。