和宴

營業中

休息中

琴日下著連綿細雨，系尖沙咀處理好事情後要搵飯食，腦袋閃過一絲念頭朋友之前介紹嘅和宴，就決定去食lunch set。去到店門前，見到有排隊人龍，今次就決定排隊啊！！等咗約15~20分鐘就能入座，呢個等候時間都算合理嘅！第一次光顧見到餐牌，有少少花多眼亂～～～單是烤肉就已有幾十款，仲唔計其他嘅燒肉丼同鍋類食品啊！！另外加錢增加肉份量都有唔少變化～～最終我揀咗和牛溫泉蛋丼定食，老公就揀特上雪花牛排肉+澳洲和牛醬汁橫膈膜定食～～～和牛溫泉蛋丼定食，最面層嘅有魚籽，醬汁同埋滿滿嘅和牛片。牛肉嫩，味道唔會鹹，反而仲帶點微微甜味。雖然有滿滿嘅和牛肉片但吃完整碗都唔會太膩滯，反而感覺系滋味中帶著柔和感。和牛定食嘅澳洲和牛醬汁橫膈膜，油脂同肉一層一層咁隔開，層次分明，肉質結實帶油筋，今次嘅係薄切，味道濃厚，油花細緻，食落口夠香😋特上雪花牛排肉，佢嘅大理石脂肪含量好豐富，肉質柔軟鮮美，好似特級嘅雪花肥牛咁都唔錯～雖然係薄切，但都幾重牛味，有咬口唔會韌，幾清香juicy。食完呢餐飯，就明白點解落著毛毛細雨，和宴仲有它嘅擁躉排隊！