影片
更多
2024-06-27
391 瀏覽
事關睇到YOUTUBER介紹,見有洋蔥湯,手製意粉,好想試就即刻訂左位上星期日試.訂左晚上7:30準時入座,QR CODE落單,發現個Youtuber介紹既雞軟骨肉丸,全部手製意粉都冇哂,老實講好失望,因為只係晚上7:30就已經咁多野冇哂(本身MENU唔係好多食物選擇)我地就叫左2杯野飲,洋蔥湯,雞翼,雞塊,千層麵同埋豬手首先講下杯野飲,其中一杯係凍既薄荷朱古力,黎到既時候上面係有放冰,但下面係熱(唔係暖,係熱)既,咁唔緊要啦,我地叫佢俾杯冰我地,侍應有SAY SORRY態度OK,但佢補多句話因為杯咖啡用熱水沖,我就覺得呢句解釋得好唔合理囉,我飲其他CAFE或者餐廳沖出黎既朱古力都唔會熱成咁,如果你地餐廳沖出黎係一定會熱成咁,你就唔好提供凍飲呢個選擇比人啦跟住到洋蔥湯,個人覺得味道冇咩問題,不過老實講我覺得可以唔叫,價錢冇記錯係7X定80蚊左右,但我飲過既同價位洋蔥湯黎講,其他餐廳既洋蔥湯芝士同洋蔥係會多好多,呢間既洋蔥湯芝士只有係塊小方包上面,洋蔥亦唔夠多,老實講唔值呢個價錢雞翼,雞塊同豬手其實味道都冇咩問題,不過順帶一提,YOUTUBER介紹既雞翼係我地叫完之後,另一台都已經冇得叫
訂左晚上7:30準時入座,QR CODE落單,發現個Youtuber介紹既雞軟骨肉丸,全部手製意粉都冇哂,老實講好失望,因為只係晚上7:30就已經咁多野冇哂(本身MENU唔係好多食物選擇)
我地就叫左2杯野飲,洋蔥湯,雞翼,雞塊,千層麵同埋豬手
首先講下杯野飲,其中一杯係凍既薄荷朱古力,黎到既時候上面係有放冰,但下面係熱(唔係暖,係熱)既,咁唔緊要啦,我地叫佢俾杯冰我地,侍應有SAY SORRY態度OK,但佢補多句話因為杯咖啡用熱水沖,我就覺得呢句解釋得好唔合理囉,我飲其他CAFE或者餐廳沖出黎既朱古力都唔會熱成咁,如果你地餐廳沖出黎係一定會熱成咁,你就唔好提供凍飲呢個選擇比人啦
跟住到洋蔥湯,個人覺得味道冇咩問題,不過老實講我覺得可以唔叫,價錢冇記錯係7X定80蚊左右,但我飲過既同價位洋蔥湯黎講,其他餐廳既洋蔥湯芝士同洋蔥係會多好多,呢間既洋蔥湯芝士只有係塊小方包上面,洋蔥亦唔夠多,老實講唔值呢個價錢
雞翼,雞塊同豬手其實味道都冇咩問題,不過順帶一提,YOUTUBER介紹既雞翼係我地叫完之後,另一台都已經冇得叫,同埋係我地用餐其間,隔離岩岩入座既客人都發生左小插曲,聽到佢地講話係本身係想食個雞軟骨丸,又係黎到先知咩都冇哂,所以冇食到就走左
最後係千層麵,千層麵佢冇寫係自製既,不過係冇哂自製意粉既情況下,就唯有焗住試下叫,我諗一間專係賣手製意粉既餐廳,點都唔會差掛,點知 呢個居然係我食過最難食既千層麵,我心目中既千層麵係有少少煙UN感,好有咬口既,但呢個食落去食又淋又冇味既感覺,我老公都話大家樂同意粉屋都好食過佢..
總體黎講,服務環境係OK,但星期日7:30呢D時間,居然餐廳主打既食物咩都冇哂,同埋食物既味道,以致令我認為同價錢唔成正比,我相信我唔會再光顧
張貼