1204
18
12
餐廳: 漁獲浜燒
優惠: 於此國泰夥伴餐廳用餐賺里 !
國泰會員於夥伴餐廳消費可賺高達HKD4 = 2里數。受有關條款約束。
條款及細則:
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費，每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。
  • 賺取之「亞洲萬里通」里數將根據餐飲與膳食消費，包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
等級4
325
0
食盡每一條池魚魚骨
2016-06-30 1733 瀏覽
香港成日都食韓燒，其實厭唔厭呢? 之前去過一間日式嘅燒烤餐廳，覺得都幾新鮮，同韓燒都有分別，所以就同朋友黎試下呢間「日燒」餐廳喇~餐廳係一棟商業大廈入面，但係其實成棟樓都係唔同嘅餐廳黎，上到18樓，一出升降機門，就可以見到餐廳嘅門口，全層都係屬於佢嘅。裝修方面都可以感到日系嘅風格，特別鍾意呢個貼住唔同清酒標籤嘅牆，好有格調餐牌就無圖可以參考到，所以又係出動開飯同Instagram嘅時候，睇到啲相之後，我地就可以揀到食啲咩頭盤特製黑松露炙燒平目魚邊沙律就打頭陣，賣相都唔錯，除咗有生菜、黑松露同平目魚之外，仲有一片片青綠色嘅牛油果，食前要將沙律拌勻，令到每一片生菜、平目魚同牛油果都可以食到淡淡嘅黑松露味，而且仲有少量嘅沙律醬，中和咗黑松露嘅味道，所以唔會過濃，每一樣都配合得好好食完頭盤開胃之後，就到食日本菜一定唔可以少嘅刺身喇~我地叫咗各種刺身，餐廳就將刺身放埋一個大嘅盤到，睇落好澎湃同豐富啊! 刺身分別有原隻牡丹蝦、生吞拿魚腩刺身、三文魚籽刺身同池魚刺身。首先有兩隻原隻牡丹蝦，呢個牡丹蝦真係唔可以睇小，直程有我有手掌咁長，而且點少少醬油，再放啲啲芥末食，可以帶出同提升牡丹蝦嘅鮮味，口感係
更多
香港成日都食韓燒，其實厭唔厭呢? 之前去過一間日式嘅燒烤餐廳，覺得都幾新鮮，同韓燒都有分別，所以就同朋友黎試下呢間「日燒」餐廳喇~
37 瀏覽
0 讚好
0 留言
34 瀏覽
0 讚好
0 留言
 餐廳係一棟商業大廈入面，但係其實成棟樓都係唔同嘅餐廳黎，上到18樓，一出升降機門，就可以見到餐廳嘅門口，全層都係屬於佢嘅。裝修方面都可以感到日系嘅風格，特別鍾意呢個貼住唔同清酒標籤嘅牆，好有格調
43 瀏覽
0 讚好
0 留言
1930 瀏覽
0 讚好
0 留言
 餐牌就無圖可以參考到，所以又係出動開飯同Instagram嘅時候，睇到啲相之後，我地就可以揀到食啲咩
163 瀏覽
0 讚好
0 留言
 頭盤特製黑松露炙燒平目魚邊沙律就打頭陣，賣相都唔錯，除咗有生菜、黑松露同平目魚之外，仲有一片片青綠色嘅牛油果，食前要將沙律拌勻，令到每一片生菜、平目魚同牛油果都可以食到淡淡嘅黑松露味，而且仲有少量嘅沙律醬，中和咗黑松露嘅味道，所以唔會過濃，每一樣都配合得好好
117 瀏覽
0 讚好
0 留言
 食完頭盤開胃之後，就到食日本菜一定唔可以少嘅刺身喇~我地叫咗各種刺身，餐廳就將刺身放埋一個大嘅盤到，睇落好澎湃同豐富啊! 刺身分別有原隻牡丹蝦、生吞拿魚腩刺身、三文魚籽刺身同池魚刺身。
70 瀏覽
0 讚好
0 留言
 首先有兩隻原隻牡丹蝦，呢個牡丹蝦真係唔可以睇小，直程有我有手掌咁長，而且點少少醬油，再放啲啲芥末食，可以帶出同提升牡丹蝦嘅鮮味，口感係同放題食嘅甜蝦、海蝦嗰啲無得比
29 瀏覽
0 讚好
0 留言
 之前去過一間主打吞拿魚嘅餐廳，所以就係網上做咗啲資料搜集，由呢個吞拿魚腩嘅顏色去睇，應該係中吞拿魚腩，因為大吞拿魚腩嘅脂肪比例較多，所以會係淺粉紅色(可以想像脂肪為白色，而魚肉為紅色，白色同紅色混和，就會變為淺粉紅色)
呢到嘅吞拿魚腩顏色比一般吞拿魚較淺色，但係又未到淺粉色，所以無估計錯嘅話，就係脂肪同肉比例相近嘅中吞拿魚腩。雖然唔係大吞拿魚腩，但係味道同口感都不容忽視，而且仲係厚切，不過仍然口感非常嫩滑，用紫菜包住吞拿魚腩同三文魚籽，口感更加提升
36 瀏覽
0 讚好
0 留言
 另外一個不得不讚嘆嘅係呢個池魚刺身，其實本身唔係大鍾意食白肉魚，但係佢令我改觀，相信我係一直都未食過高質白肉魚刺身嘅原故，所以先一直抗拒。首先將薑蓉、蘿蔔蓉同青蔥倒蓉醬汁到，夾起池魚刺身，再點醬汁，感覺非常清新，完全唔覺有腥味
63 瀏覽
0 讚好
0 留言
27 瀏覽
0 讚好
0 留言
 但係最特別嘅一部份唔係刺身，而係廚師用超厲害嘅刀功，起好魚肉之後剩餘落黎嘅 ─ 池魚魚骨，原來餐廳係可以將呢個池魚魚骨拎去炸，用盡魚嘅每一個部份，一啲都唔浪費。炸好咗嘅池魚魚骨，味道幾香，所以我就忌唔住即刻食喇，唧少少檸檬汁係炸魚骨到，可以中和油膩嘅感覺，魚頭部非常脆身，而且仲有啲啲魚肉係臉頰嘅部份，就好似食炸魚咁，但係白色細細粒嘅魚眼，就係煙韌嘅。最初用門牙咬魚身嘅骨，因為有啲硬身，所以諗係咪唔食得，唔洗擔心，係真係食得嘅，用犬齒一咬，魚骨就碎開，質感好爽脆，好似食緊薯片咁
32 瀏覽
0 讚好
0 留言
40 瀏覽
0 讚好
0 留言
28 瀏覽
0 讚好
0 留言
24 瀏覽
0 讚好
0 留言
 終於到咗終極大佬出場喇，就係活貝漁獲浜燒盛合(二人前)，全部都係新鮮嘅海鮮，而且仲係大大件!海鮮包括有鮑魚、虎蝦、帆立貝、生蠔同長腳蟹，而鮑魚仲識郁嫁!! 唔洗擔心自己燒會整親，呢到嘅員工會幫手燒，所以可以坐低睇表演~
17 瀏覽
0 讚好
0 留言
27 瀏覽
0 讚好
0 留言
20 瀏覽
0 讚好
0 留言
18 瀏覽
0 讚好
0 留言
 啱燒好嘅海鮮，員工仲要好好咁起好肉同將佢地切好同分好，每一款海鮮都無燒到過熟我本人特別鍾意燒鮑魚，口感好彈牙，而且有淡淡煙燻味，點上柚子醬汁，味道好清新，可以平衡啲煙燻味。另外仲有燒帆立貝，由於我地係二人份量，所以有兩隻大大嘅帆立貝，員工就提議煮唔同嘅味道，一個係牛油蒜蓉帆立貝，另一款就係汁燒帆立貝，前者味道比較香濃惹味，而後者口感就比較濕潤嫩滑，各有各好，好難選擇其一，可以嘅話，不妨要晒兩個選擇~
一邊食，一邊同朋友吹水，不知不覺係餐廳坐到10點半，但係9點半左右都仲有客人上黎食野，相信唔少都係熟客，我都有可能會成為呢到嘅熟客啊
36 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐途徑
    堂食