魚事者 (威德閣)

營業中

休息中

今次去咗炮台山食下午茶，餐廳係一間魚麵專門店，除咗魚麵外，仲有好多以魚製成嘅特色小食。好多卜卜蜆木魚湯魚麵麵底有幾款麵選擇，包括爽彈魚麵、芫茜魚麵、掛湯米線、手打烏冬同索湯米粉，我地揀咗爽彈魚麵，魚麵係呢度嘅招牌，不得不試，麵偏粗身，入口爽口彈牙，完全無魚腥味，卜卜蜆份量充足，蜆肉脹卜卜，鮮味十足。羅定魚腐+ 魚皮餃x牛丸=有羅定魚腐、魚皮餃、牛丸同魚皮配魚麵、魚湯底，食盡魚鮮味。Fish-chos 扮墨西哥魚皮 魚皮配牛油果莎莎醬，估唔到又幾好食，魚皮金黃香脆，非常香口。炸魚狗腸魚狗腸質地爽口彈牙，配他他醬，酸酸地幾開胃，仲有紫洋蔥粒同蔥粒，非常香口。魚湯翡翠苗叫左碗翡翠苗清下油膩感，份量細細，兩個人share 啱啱好，翡翠苗新鮮爽脆，魚湯令翡翠苗更鮮甜。卜卜脆鹹豬手有得揀1份同半份，我地揀咗半份，外皮金黃卜卜脆，肉質扎實幼滑，味道鹹香惹味。黑白配之懶人一口西多士西多士配阿華田同煉奶，雙重味道夾攻味蕾，切到細細件，可以一啖一口。