泓 (已結業)

就到情人節，提早系屯門搵左間特別既餐廳預祝，第一次食鐵板燒，師傅系你面前燒，價錢比起出面九龍既平返少少。我地叫左日本帆立貝牛柳二人套餐 $998一開始會先比茶碗蒸比我地食先。一路食既時候，師傅就準備食材同先煎啲配菜，用黎一陣伴碟用。茶碗蒸熱辣辣，有啲茹菌系入面。廣島蠔蠔既size好大隻，望落去貌相吾算太吸引，但味道非常好，食落有少少海水味，未至於完全熟透，所以好juicy。另外配左啲肉絲一齊食，幾特別既食法。日本帆立貝同樣好大粒，師傅系燒既時候已分開幾份，方便進食。帶子以牛油汁煮成，帶子上仲放左三文魚籽，增加鮮味。美國安格斯牛柳師傅會問我地要幾成熟，我地揀左7成，對我地黎講岩岩好。牛柳好軟嫩，完全無根，幾有牛味。配埋脆口又乾爽既炸蒜片同甜薯食好完滿。黃金炒飯 & 麵豉湯配料以雜菜為主，吾系貴價食材，但炒飯炒到粒粒分明，幾有水準。 麵豉湯就正常發揮。炒什菜主要系芽菜較多。甜品系水果，有哈密瓜同菠蘿。