影片
更多
2023-01-04
59 瀏覽
📍Pondside - #YFF金鐘 【香港公園湖畔瀑布cafe🪴落地大玻璃園景仿置身外國】近排ig俾呢間落地玻璃湖畔cafe洗晒版，環境佈局景色靚到以為係外國餐廳，其實係坐落喺香港公園入面～ 一踏入餐廳就feel到俾溫暖嘅陽光包圍住，坐喺窗口位仲可以欣賞住瀑布池景咁食嘢，超級chill(๑˃̵ᴗ˂̵)!! 嚟之前見到大家對呢到嘅食物評價都比較一般，點知食落有驚喜喎(´･_･`)加埋呢個咁靚嘅景同埋咁寫意嘅vibe，性價比其實幾高。不過窗邊位長期好full，大家記得提早book定位！❝Lunch set❞ — $218⧐ Manpo Salad witn Prawns, Avocado in Honey mustard Dressing 沙律菜新鮮爽脆，配埋香甜嘅芒果、軟滑嘅牛油果同埋大隻爽口嘅鮮蝦，成個配搭相當清新開胃。⧐ Crprese Salad經典意式沙律，簡單將蕃茄同埋水牛芝士切片，再淋上羅勒汁，永遠唔會出錯嘅美味前菜組合～⧐ Truffle Risotto w/ Sea Urchin (+$60)意大利飯非常香濃creamy，口感煙韌，芝士隨著熱辣辣嘅飯粒呈半溶狀態，食落濕潤又
【香港公園湖畔瀑布cafe🪴落地大玻璃園景仿置身外國】
近排ig俾呢間落地玻璃湖畔cafe洗晒版，環境佈局景色靚到以為係外國餐廳，其實係坐落喺香港公園入面～ 一踏入餐廳就feel到俾溫暖嘅陽光包圍住，坐喺窗口位仲可以欣賞住瀑布池景咁食嘢，超級chill(๑˃̵ᴗ˂̵)!! 嚟之前見到大家對呢到嘅食物評價都比較一般，點知食落有驚喜喎(´･_･`)加埋呢個咁靚嘅景同埋咁寫意嘅vibe，性價比其實幾高。不過窗邊位長期好full，大家記得提早book定位！
❝Lunch set❞ — $218
⧐ Manpo Salad witn Prawns, Avocado in Honey mustard Dressing
沙律菜新鮮爽脆，配埋香甜嘅芒果、軟滑嘅牛油果同埋大隻爽口嘅鮮蝦，成個配搭相當清新開胃。
⧐ Crprese Salad
經典意式沙律，簡單將蕃茄同埋水牛芝士切片，再淋上羅勒汁，永遠唔會出錯嘅美味前菜組合～
⧐ Truffle Risotto w/ Sea Urchin (+$60)
意大利飯非常香濃creamy，口感煙韌，芝士隨著熱辣辣嘅飯粒呈半溶狀態，食落濕潤又有咬口。加埋黑松露醬香氣四溢，仲有鮮甜又唔腥苦嘅海膽，將整體味道昇華不少。
⧐ Crispy Tonkatsu Pork Cutlet (+$30)
日式吉列厚切黑豚肉，炸後金黃薄脆，肉質粉嫩充滿肉汁，而且唔會食到成口油，味道相當有驚喜。配埋沙律醬同日式豬扒醬一齊食更加惹味～ 仲有椰菜絲沙律幫助解膩！
張貼
