影片
更多
2024-08-11
1321 瀏覽
平時台式、日式同港式火鍋就食得多，泰式火鍋就真係第一次試。依家位於沙田新城市廣場7樓嘅泰式火鍋店，午市有一人套餐不同肉類同份量都有唔同價錢，今日就同朋友叫咗一人一鍋試吓！餐牌上面有寫每位會收$15醬料費（濕紙巾、紙巾、手工醬料、泰國蝦片同時令茶水）。蝦片非常之脆口，味道有少少微辣，份量亦都好多，仲可以免費再添。手工醬料有三種分別係青檸汁、椒麻豉油同甜辣醬。三種味道都非常之不同，青檸汁酸酸地好開胃亦都解油膩，椒麻豉油鹹鹹地唔太辣，甜辣醬甜得來比較辣。秘製冬陰功鮮蝦鍋湯底係濃濃嘅冬陰功，味道酸酸辣辣，非常開胃。怕辣嘅朋友都可以試吓，即使係冬陰功湯底都唔會令到食材變得好辣。椰奶雞湯鍋湯底有椰子肉同椰奶，所以椰香味勁重，散發住陣陣嘅椰奶香味，味道超級清甜。椰奶雞鍋淥菜食會吸咗湯底嘅味道，菜會散發椰奶香味超級好食！100g美國嚴選牛板腱套餐$108牛板腱非常大塊，有香濃嘅牛味，肉質亦都唔會好韌100g西班牙黑毛豬腩肉套餐$98豬腩肉幾嫩，脂肪同肉嘅比例啱啱好，唔會太多脂肪蔬菜拼盤有多種唔同嘅蔬菜，非常豐富。有娃娃菜、生菜、冬菇、蕃茄、粟米同金菇。泰式河粉河粉非常嫩滑，又好吸湯底味😋煮耐少少會仲入
蝦片及手工醬料
14 瀏覽
0 讚好
0 留言
餐牌上面有寫每位會收$15醬料費（濕紙巾、紙巾、手工醬料、泰國蝦片同時令茶水）。蝦片非常之脆口，味道有少少微辣，份量亦都好多，仲可以免費再添。手工醬料有三種分別係青檸汁、椒麻豉油同甜辣醬。三種味道都非常之不同，青檸汁酸酸地好開胃亦都解油膩，椒麻豉油鹹鹹地唔太辣，甜辣醬甜得來比較辣。
秘製冬陰功鮮蝦鍋
193 瀏覽
1 讚好
0 留言
秘製冬陰功鮮蝦鍋
湯底係濃濃嘅冬陰功，味道酸酸辣辣，非常開胃。怕辣嘅朋友都可以試吓，即使係冬陰功湯底都唔會令到食材變得好辣。
椰奶雞湯鍋
24 瀏覽
0 讚好
0 留言
椰奶雞湯鍋
湯底有椰子肉同椰奶，所以椰香味勁重，散發住陣陣嘅椰奶香味，味道超級清甜。椰奶雞鍋淥菜食會吸咗湯底嘅味道，菜會散發椰奶香味超級好食！
美國嚴選牛板腱& 西班牙黑毛豬腩肉
26 瀏覽
0 讚好
0 留言
100g美國嚴選牛板腱套餐$108
牛板腱非常大塊，有香濃嘅牛味，肉質亦都唔會好韌
100g西班牙黑毛豬腩肉套餐$98
豬腩肉幾嫩，脂肪同肉嘅比例啱啱好，唔會太多脂肪
蔬菜拼盤
有多種唔同嘅蔬菜，非常豐富。有娃娃菜、生菜、冬菇、蕃茄、粟米同金菇。
泰式河粉
河粉非常嫩滑，又好吸湯底味😋煮耐少少會仲入味，真係好好食！
泰式手標啵啵奶茶& 泰式芒芒碌碌
$28
19 瀏覽
0 讚好
0 留言
泰式手標啵啵奶茶$28
泰茶甜度啱啱好，口感順滑。泰茶味聞起來都好香，珍珠彈牙
泰式芒芒碌碌$28
芒果味道勁濃郁，飲起上嚟唔會太甜，仲要同楊枝甘露比較相似，都係有芒果粒、西柚、椰汁同西米
芒果糯米飯
$58
35 瀏覽
0 讚好
0 留言
芒果糯米飯$58
賣相極之吸引，芒果排成S形😍每一塊芒果都切得勁薄，味道都好甜，芒果亦都冇渣。糯米飯煙煙韌韌，帶有少許椰香味，幾好食
張貼
