潮城潮汕火鍋

營業中

休息中

好多人好鍾意返深圳食潮汕牛肉打邊爐，今晚喺旺角搵食，見到呢間潮汕牛肉打邊爐，就好想入嚟試吓清清地叫咗個牛骨湯底，有白蘿蔔、粟米做呢個清湯嘅配料，飲落都幾清甜喎打邊爐料：吊龍伴（大） 非常薄切，仲係用一個圓形冇邊碟上，仲可以打直擺黎打卡，同我喺深圳有次食過嘅感覺係一樣，牛肉味都係同大陸食嘅一樣喎，價錢就唔使講啦，真係冇得比嘅😆😆😆不過喺香港都食到潮汕牛肉嘅新鮮濃牛味，又真係值得一讚潮汕牛肉丸 （四粒） ）粒牛丸個樣好似現成咁平平無奇，但係食落嘅時候又真係會噴汁個喎，而且你會睇到粒牛丸個形狀係大小不一，咬開會見到有氣孔，睇得出係人手打嘅。豬肉粟米餃（四粒）、唐生菜手工包嘅餃子，好新鮮，粟米粒嘅甜味同豬肉嘅鮮味好突出！同生菜都好嫩、好新鮮！炸蝦餅（四件）個蝦餅炸至金黃色，咬開入邊見到有原隻鮮蝦，蝦膠又夠彈牙，外皮又炸得夠脆口，正！調打邊爐醬油時，食得辣既就記得試下佢哋自家製既辣椒油呀！我唔食得辣都覺得好香！服務好好嘅打邊爐，當見到我哋差唔多打完邊爐嘅時候，侍應會主動過嚟話幫我哋熄咗個爐；另外，當見到我哋食緊嘢，個煲入面冇嘢滾緊嘅時候，佢又會主動過嚟話幫我哋將個火收細，以免煲乾水。