影片
更多
2015-01-13
1918 瀏覽
個人來說係鑽石山荷里活廣場嘅常客。無他嘅唔使消費出示張圖就有三個鐘免費泊車簡直就係駕駛人士嘅福音。睇場戲都好呀。 咁自然就會食埋個飯。見到有莆田呢間新野就試下啦。內裡裝修都好骨子。我都幾鍾意佢套花花餐具。呢到個下午茶餐真係好吸引。六十八蚊有六小碟。加三十又多三碟。再加三十有再多三碟。二話不說黎個十二碟套餐啦。一拎上嚟真係'woooo'左出聲。絕對係大堆頭製作。比起西式下午茶嘅層層架 一啲都唔輸蝕。味道上樣樣都唔錯。有幾個更加係值得推介。呢個係用涼瓜片薄用冰鎮住咁上。入口爽身清甜微甘。蝦皮紫菜既紫菜有別平時既紫菜。十分之嫩滑。用上蝦皮比味。一放入口就爆發出海洋既味道。九轉小腸比平時用豬大腸更精細咁用上豬小腸。煮得入味。也保持住口感。讚呢個莧菜真係不得了。咸蛋黃煮融曬。條條莧菜都掛曬汁。真係KO一大碟都仲得。興化米粉幼細得很。用高湯餵味。依然保持其爽口之感。扁肉湯是店中推介。開業時更有全球最大燕皮展出。薄薄用豬肉捶打成肉漿再和粉而成的燕皮包著肉餡。鮮味十足更散至簡單用水和醋的湯顯化出鮮味來。香茅凍口感界乎啫哩同大菜之間。幾特別。入口有淡淡的香茅清香散發出黎。係一個唔錯既甜品。不得不提枱面提
見到有莆田呢間新野就試下啦。內裡裝修都好骨子。我都幾鍾意佢套花花餐具。
呢到個下午茶餐真係好吸引。六十八蚊有六小碟。加三十又多三碟。再加三十有再多三碟。二話不說黎個十二碟套餐啦。一拎上嚟真係'woooo'左出聲。絕對係大堆頭製作。比起西式下午茶嘅層層架 一啲都唔輸蝕。
味道上樣樣都唔錯。有幾個更加係值得推介。
呢個係用涼瓜片薄用冰鎮住咁上。入口爽身清甜微甘。
蝦皮紫菜既紫菜有別平時既紫菜。十分之嫩滑。用上蝦皮比味。一放入口就爆發出海洋既味道。
九轉小腸比平時用豬大腸更精細咁用上豬小腸。煮得入味。也保持住口感。讚
呢個莧菜真係不得了。咸蛋黃煮融曬。條條莧菜都掛曬汁。真係KO一大碟都仲得。
興化米粉幼細得很。用高湯餵味。依然保持其爽口之感。
扁肉湯是店中推介。開業時更有全球最大燕皮展出。薄薄用豬肉捶打成肉漿再和粉而成的燕皮包著肉餡。鮮味十足更散至簡單用水和醋的湯顯化出鮮味來。
香茅凍口感界乎啫哩同大菜之間。幾特別。入口有淡淡的香茅清香散發出黎。係一個唔錯既甜品。不得不提枱面提供既辣媽醬。酸酸辣辣又幾得此意。食慣左西式下午茶餐真係要黎試下呢個另類體驗。
張貼
