菊月町 (已搬遷) 新店位置

今日黎觀塘探班，朋友搬咗黎呢邊做嘢，去完佢個Office就周圍睇下有啲乜嘢好食，見到有一間好有日式風味嘅餐廳。入去坐咗喺吧枱，由於係一個人自私食，我就揀咗一個刺身8點同埋鐵板燒3點。先嚟咗個前菜同埋海帶湯，暖下個胃之後就可以開動啦。我由帶子刺身開始，咬落鮮甜軟身，好新鮮。三文魚同埋吞拿魚都好肥美亦都好新鮮。最好味嘅係海膽，唔單止新鮮，仲有清甜嘅味道，真係正。最後食埋我最鍾意嘅三文魚子，真係感覺到好幸福。再嚟鐵板燒三點，睇住師傅係我面前到咗鐵板燒，又係另一番風味。師傅好細心，唔單止味道好，火候啱啱好，而且賣相好靚！我鍾意佢嘅牛肉薄燒，入口即溶，一個字正！下次我想再嚟試吓佢嘅和牛鐵板燒，諗起就流口水啦！