森戶 (官塘立成大廈) (已結業)

今日收工約咗個舊同事食生日飯，舊同事喺觀塘返工，所以就過去食。其實觀塘牛頭角嗰邊都好多美食嘅，但係今日試呢間就近牛頭角地鐵站，出奇地有點驚喜！店舖唔算大，今日揀咗吧枱同朋友坐，叫咗魚生，壽司同埋少少串燒。。。先嚟個特上刺身拼盤先，包括有大拖羅兩塊深海池魚兩塊金目鯛兩塊赤貝一件海膽再嚟特上壽司拼盤，包括有拖羅，牡丹蝦，赤貝，銀鱈魚，深海池魚，白身魚，金目鯛，海膽，三文魚籽各一件食得出佢哋嘅魚生都好新鮮，同埋都幾厚身，唔係薄薄冇料到嗰啲。。。所以係物有所值其實食完刺身同壽司已經飽飽地，所以叫埋牛舌，五花腩，雞翼串燒就夠哂！牛舌好好肉，爽！五花腩肥瘦適中，正！雞翼都好入味，惦！滿足的一餐！