鳴虎 (北角匯二期)

營業中

休息中

心血來潮想去北角匯走一轉，本身想去行一田，點知經過見到一間的的骰骰、充滿日本溫暖味道嘅拉麵舖，橫掂未食lunch就決定入去試下，點知有驚喜！日本魚乾豬骨湯拉麵 $88呢碗嘅湯底比較清，想食得健康d可以揀呢碗。豬骨湯底濃郁，再加上日本魚乾嘅鮮味，令人回味！溏心蛋大大隻，蛋白滑溜溜，蛋黃流心甘香。仲有大量爽脆木耳，好爽口！麵質都唔錯，煮得啱啱好！博多黑蒜油拉麵 $88一樣有一隻溏心蛋，同大量爽脆木耳呢碗湯底更惹味，因為黑蒜油底令湯底更加香濃，但蒜味唔重，唔洗擔心食完有好大陣味，而且黑蒜油令麵質更加滑！