秋吉

營業中

休息中

鰂魚涌除咗多寫字樓，仲有好多好味嘅餐廳。今次介紹呢間日本餐廳，有好少見嘅串燒Omakase，全部都係即叫即燒，好有心機，成個體驗都好豐富！🟩前菜有蟹籽沙律同雞肝醬多士。雞肝醬真係超好食，夠晒濃，份量又多，配喺脆口多士上面一齊食，簡直係一流！呢個套餐有超多唔同類型嘅串燒，我就最鍾意以下三款：.🟦第一刀第一刀又名脢頭嘴，即豬隻被送到豬肉檔時，第一刀斬下去的豬肉部位，食落肉質煙靭適宜，又唔會有筋，夠晒特別又好食！🟧野菜天婦羅呢個天婦羅有齊關東煮蘿蔔、粟米同辣椒仔，味道比較甜，即刻炸好爽口！🟩牛舌芯牛味重，而且熟度啱啱好，好煙靭好彈牙！.另外，雞串燒組合（包括鹽燒雞胸軟骨、汁燒雞肉大蔥、鹽燒雞背肉、雞掌、雞尾、鹽燒雞翼、鹽燒雞腎、雞尾等等）都好特別，食到好多新奇好味嘅雞部位！而秋吉鰻魚飯都燒得好惹味㗎！最後要推介嘅係呢個極濃雞湯加炸蝦球combo，蝦肉份量又多又鮮味，點雞湯一齊食估唔到有幾夾！