甜公館

營業中

休息中

飯後一點甜，去咗佐敦doux 食埋甜品先返屋企。甜品店門口有個心形卡座，好吸睛。Menu 好豐富，西式日式同中式都有。日本抹茶蒙布朗配榴槤雪糕球及曲奇雪糕（$62）：第一次食係日本近年大行其道嘅蒙布朗，呢款甜品係由栗子製成。我叫呢款係日本抹茶味，抹茶味非常濃郁，而且係我哋鍾意嗰種甘香既抹茶味道。配上冰凍嘅榴槤及曲奇雪糕一齊食，估唔到都好夾。榴槤燉椰皇（$76）+ 雪燕（$12）：賣相一百分！上枱時飄住白煙。大大嚿嘅榴槤蓉喺甜品面。蛋白非常非常咁嫩滑！清甜嫩滑嘅椰皇蛋白，加上濃味嘅榴槤蓉，再加上養顏嘅雪燕，味道層次同口感都非常豐富。佢仲有個小小嘅啫喱用另外一個器皿同椰皇一齊上，估唔到咁重椰青水味，好有驚喜。