影片
更多
2024-03-08
165 瀏覽
雖然之前都試過酒店級飲茶體驗，但今次真係要讚下呢度。$640/2人飲餐茶但真係值，因為講緊另一d dim sum parlour 二百幾蚊人頭計既飲茶，質素係可以同呢度差好遠。首先講講個環境，其實個門口有點兒隔涉，以前都係住大角嘴既我知邊度維港灣，但去呢度個門口係響酒店入面，變相就算響出面見到但都要兜返入去不過好彩環境舒適，枱夠大，坐得舒服。一坐低就有精緻前菜同靚鐵觀音，$28/位茶錢我覺得okay。點心方面我叫左金箔鮮蝦餃，好鮮甜同比想像中大隻，啖啖肉。和牛生煎包個presentation好靚好精緻，一啖咬落去個包嘅質感好軟熟，入面d餡食得出真係和牛，肉質帶油香，同埋唔細隻。我個人喜歡個鮮秋葵螺片，秋葵個質感係啱啱好，唔會太熟或者太生，同埋因為有陳醋同埋辣汁，唔會有青味嘅同時，keep返佢原本嗰種新鮮蔬菜味道，同螺片一齊食大家嘅優點都出晒嚟，鮮嫩可口。至於主食招牌炒飯略嫌乾左少少，但炒到粒粒分明入口唔會太油，份量夠三個人食。唯一有一樣嘢少少挑剔就係個壽桃包，個流心奶黃甜咗少少同埋搵唔到啲燕窩但樣靚靚仔仔，下次生日會叫返。我個人好鐘意桃膠燉蛋白，因為佢d蛋白同桃膠係切碎少少，變相你唔使
首先講講個環境，其實個門口有點兒隔涉，以前都係住大角嘴既我知邊度維港灣，但去呢度個門口係響酒店入面，變相就算響出面見到但都要兜返入去不過好彩環境舒適，枱夠大，坐得舒服。一坐低就有精緻前菜同靚鐵觀音，$28/位茶錢我覺得okay。點心方面我叫左金箔鮮蝦餃，好鮮甜同比想像中大隻，啖啖肉。和牛生煎包個presentation好靚好精緻，一啖咬落去個包嘅質感好軟熟，入面d餡食得出真係和牛，肉質帶油香，同埋唔細隻。我個人喜歡個鮮秋葵螺片，秋葵個質感係啱啱好，唔會太熟或者太生，同埋因為有陳醋同埋辣汁，唔會有青味嘅同時，keep返佢原本嗰種新鮮蔬菜味道，同螺片一齊食大家嘅優點都出晒嚟，鮮嫩可口。
至於主食招牌炒飯略嫌乾左少少，但炒到粒粒分明入口唔會太油，份量夠三個人食。唯一有一樣嘢少少挑剔就係個壽桃包，個流心奶黃甜咗少少同埋搵唔到啲燕窩但樣靚靚仔仔，下次生日會叫返。我個人好鐘意桃膠燉蛋白，因為佢d蛋白同桃膠係切碎少少，變相你唔使咁大舊擺落個口度，口感同食海燕窩有啲似。overall我覺得同長輩嚟或者同朋友嚟都OK，今次同媽媽黎食飯佢都表示好滿意，口味都好適合長輩。
張貼
