菊月町 (已搬遷) 新店位置

最近經過觀塘, 見到呢間食廚師發板嘅日本餐廳, 就心旭旭想入去試下.。 我就叫咗呢個980蚊嘅set， 入面刺身，壽司，鐵板燒等全部都有齊， 非常之豐富。首先先附係白飯魚乾配埋烏賊燒， 烏賊燒上面有一粒粒嘅脆脆，味道非常香口。之後就到5款唔同嘅刺身，我就等別鍾意獅魚腩同大根拖羅， 兩款都係入口即溶， 充滿著油香。之後嘅4款漬物分別係芥末山藥， 牛蒡絲同埋紅酒蕎頭， 味道非常清新， 好啱食完刺身之後清一清個口。之後嘅兩款鐵板燒分別係 鐵板燒白子配黑魚子同埋燒金鯛， 鐵板燒白子口感非常特別， 食落成口都係汁，非常鮮甜。五款壽司同手卷都非常新鮮好食。整體而言，菊月町嘅廚師發辦味道都唔錯，值得推薦。