樂天皇朝 (東薈城名店倉)

營業中

休息中

每當小籠包癮起嘅時候就會去樂天皇朝止癮，佢嘅小籠包皮薄多汁有保證，$62 有6粒，仲有八款味道可以選擇。除咗小籠包，呢度嘅拉麵亦都好出色，質地滑溜有嚼勁，今次叫咗蝦仁酸辣湯拉麵（$68），酸辣開胃，調味剛好，湯底亦不會太稀太稠，份量亦都算大碗，價錢實惠。冷盤叫左四川夫妻肺片（$68）- 呢個冷盤每次都保持水準，川辣味夠香夠麻，辣得好過癮。另外試咗京醬肉絲（$90），同北京填鴨嘅食法一樣，味道口感亦都相似，肉絲味道香濃伴有京蔥，份量多，本身跟六塊皮，如果再多兩塊皮就perfect ~ 整體嚟講樂天皇朝喺唔同分店食都保持水準，環境寬敞，上菜速度快，值得一讚👏🏻提提大家如果外賣自取仲有八折，方便嘅話買返屋企慢慢嘆就可以更加經濟。