憶食尚臘味煲仔飯

營業中

休息中

自從去過廟街食又貴又難食的煲仔飯之後，我成日周圍去搵邊到有好食的煲仔飯。想試左呢間好耐，今次終於的起心肝過去食，好近柯士甸站，佐敦行過去就遠啲。必點。廣式臘味煲仔飯！用料靚，有廣式臘肉，廣式鮮肉蠟腸同埋南安板鴨，好香的臘味，待應會過來幫你加葱花加油再撈，特別一讚係飯焦，好香脆。甜蜜咕嚕肉。中意食咕嚕肉的話值得叫一份，因為佢係拉絲，個糖香做得結身，裹上件咕嚕肉。我哋再叫咗個炒芥蘭，好重蒜香，而芥蘭切到一片片，食到芥蘭，平時嗰種苦澀之外，仲帶嚟點點甘香。餐廳環境好舒服，係一家人食飯嘅好去處。