影片
更多
5天前
0 瀏覽
今日難得有人升職請食好野，當然食啲高級少少嘅，就係日本Omakase! 呢間「花晨月夕」好方便就脚，尖東站出黎幾分鐘就搵到。Omakase 套餐都有三款可以揀，分別係Omakase Flower, Sun or Moon。今次有人請就當然食最貴最多野食嘅Moon set!首先係食冷盤「先付」：真係睇得又食得，最鐘意係個水雲，調味到酸酸地，食落好開胃，同埋個平平無奇嘅梅子乾卷都好味。剌身好豐富，有成五款咁多，全部超高級配搭！其中三款最記憶最深刻，因為太豪華啦！「真鯛魚配北海道海膽」：擺得好靚，真係睇個樣都係一種享受。「魚子配北海道海膽」：廚司話魚子有專登處理過，難怪咁好入口，有鮮味加少少甜味，唔係得個鹹字，超用心！「北海道鱈魚白子」：呢個季節限定，趁有得食一定要試下。仲有「松葉蟹天婦羅」：超超超大一只蟹腳，就算專登係大阪食最出名果間蟹都唔會俾咁大只蟹腳你，好滿意。寿司都有成十貫咁多，廚師會好細心咁逐個介紹你食緊咩魚，因為太多唔太全部記得，只係記得唔係出面普通壽司店食到嘅質素。最最記得係個超大一份嘅「海膽金箔手卷」，大到要咬好幾啖先食得完，超大又鮮甜，呢個時候唔太當造，食到咁樣嘅質素冇得頂
Omakase 套餐都有三款可以揀，分別係Omakase Flower, Sun or Moon。今次有人請就當然食最貴最多野食嘅Moon set!
首先係食冷盤「先付」：真係睇得又食得，最鐘意係個水雲，調味到酸酸地，食落好開胃，同埋個平平無奇嘅梅子乾卷都好味。
剌身好豐富，有成五款咁多，全部超高級配搭！其中三款最記憶最深刻，因為太豪華啦！
「真鯛魚配北海道海膽」：擺得好靚，真係睇個樣都係一種享受。
「魚子配北海道海膽」：廚司話魚子有專登處理過，難怪咁好入口，有鮮味加少少甜味，唔係得個鹹字，超用心！
「北海道鱈魚白子」：呢個季節限定，趁有得食一定要試下。
仲有「松葉蟹天婦羅」：超超超大一只蟹腳，就算專登係大阪食最出名果間蟹都唔會俾咁大只蟹腳你，好滿意。
寿司都有成十貫咁多，廚師會好細心咁逐個介紹你食緊咩魚，因為太多唔太全部記得，只係記得唔係出面普通壽司店食到嘅質素。
最最記得係個超大一份嘅「海膽金箔手卷」，大到要咬好幾啖先食得完，超大又鮮甜，呢個時候唔太當造，食到咁樣嘅質素冇得頂了。
埋尾仲有個蟹湯，又係有個松葉蟹腳！甜品係好甜嘅日本蜜瓜，食完個餐飽前所未有嘅滿足。下次老闆請食飯會叫佢黎呢度請，哈哈。
張貼
