賣撻

營業中

休息中

細妹生日就當然要嚟個小慶祝，已經食厭左嗰幾間大型連鎖店嘅款式，所以就上網搜尋下有冇啲高質又啱打卡嘅靚靚蛋糕。終於經朋友介紹，搵到間特色小店，見到佢個 堅果の后•焦糖夏威夷果仁撻 好吸引，剛好我又要去沙田處理文件，所以就訂返個同細妹慶祝。店舖係石門地鐵站行過去大幾三分鐘左右都好方便。除左預單左嘅焦糖夏威夷果仁撻之外，我作為一個開心果控見到個迷你開心果撻都忍唔到手，買多左個嚟自私食。外送仲會有個好型格嘅紅白藍保溫袋，入面仲放左個凍種，貼心度真係要大力加分呀！單睇 焦糖夏威夷果仁撻外型都已經係打卡-able，食落就更加心心眼，撻都好有層次，先係面層舖滿滑滑超香嘅岩鹽焦糖忌廉，入面仲有超濃郁果仁、粒粒吉士、海綿蛋糕再加香脆嘅撻殼，個個都大讚好味有驚喜。而我自私食嘅迷你開心果撻都一樣有好，同埋有岩鹽焦糖忌廉之外，仲有開心果忌廉、開心果吉士同埋開心果海綿蛋糕，絕對係啱晒我口味，大愛呀！