段純貞牛肉麵 (如心廣場一期)

營業中

休息中

荃灣如心廣場段純貞主打台式牛肉麵，環境舒服寬敞，服務又好有禮貌，啲台式茶飲都幾靚，飲落好舒服。🫖🍜 招牌紅燒腱心牛肉麵湯底濃濃地，微辣帶甜，食到尾仲有啲藥膳味，手工粗麵夠煙靭，牛肉滷到又淋又彈牙，好滿足。🐂🍜 濃湯煨雞麵雞湯金黃靚靚，好鮮甜滑溜，隻雞髀肉嫩得嚟好juicy，細麵吸哂湯汁，好滑溜。🐓🍜 麻辣鴨血冬粉麻辣湯底夠香麻夠辣，鴨血滑溜，冬粉吸晒湯底味道，食落覺得好過癮。🦆 鹵水鴨舌鴨舌啖啖香濃，炆得好淋，配埋花生同酸菜一齊食，味道幾豐富。🥬 炒油麥菜油麥菜新鮮爽口，炒得啱啱好，簡單健康又好食。另外叫咗兩杯台式茶飲，兩杯味道都唔錯，餐飯食得好開心，已列入必食名單。👍🏻