影片
更多
6天前
0 瀏覽
今個聖誕節假期我地去咗中環一間西班牙餐廳Quiero Más食我地嘅聖誕大餐！餐廳頂樓可以飽覽中環半山區嘅夜景，有個露天嘅小型酒吧區，最後我地揀咗比較溫馨感覺嘅室內環境坐低。我地order咗個Chef’s Tasting Menu、Soup of Today同兩杯MockTail‧ Soup of the Day 類似南瓜忌廉湯，香甜濃郁，因為今年聖誕節天氣比較凍嘅關係，我地響食野之前飲咗個湯，個胃即刻暖咗一暖。<<Signature Tasting Menu>>Starter 我地揀左‧ 36-Moths Ibérico Jamon 配Crystal tomato bread打頭陣嘅係風乾36個月嘅伊比利亞火腿片，肉質結實而油潤，厚簿，脂肪同肉嘅比例剛剛好，配蕃茄肉麵包絕對係開胃之選。‧ Southern Sea - Scallop Ceviche, Served atop avocado mousse with lemongrass vinaigrette檸檬香茅油醋汁浸薄片生帶子配牛油果mousse，鮮嫩嘅薄片生帶子，加上濃厚嘅牛油果mousse令
今個聖誕節假期我地去咗中環一間西班牙餐廳Quiero Más食我地嘅聖誕大餐！
餐廳頂樓可以飽覽中環半山區嘅夜景，有個露天嘅小型酒吧區，
最後我地揀咗比較溫馨感覺嘅室內環境坐低。
我地order咗個Chef’s Tasting Menu、Soup of Today同兩杯MockTail
‧ Soup of the Day
類似南瓜忌廉湯，香甜濃郁，因為今年聖誕節天氣比較凍嘅關係，我地響食野之前飲咗個湯，個胃即刻暖咗一暖。
<<Signature Tasting Menu>>
Starter 我地揀左
‧ 36-Moths Ibérico Jamon 配Crystal tomato bread
打頭陣嘅係風乾36個月嘅伊比利亞火腿片，肉質結實而油潤，厚簿，脂肪同肉嘅比例剛剛好，配蕃茄肉麵包絕對係開胃之選。
‧ Southern Sea - Scallop Ceviche, Served atop avocado mousse with lemongrass vinaigrette
檸檬香茅油醋汁浸薄片生帶子配牛油果mousse，鮮嫩嘅薄片生帶子，加上濃厚嘅牛油果mousse令人想食完一片又一片！
Warmup menu 我地揀左
‧ Perfectly Pink-ish - Gambas - Sweet Prawns, Braised to coral perfection dressed with chill and garlic
剝好殼嘅蒜香大蝦咬落啖啖肉，蝦肉鮮美得嚟個汁又好好食，貼心咁配左兩片包我地點埋啲醬汁一齊食。
‧ Dos Dias Patata Bravas, Crispy Potatoes Mile-Feuille
好考刀功，砌成一個又一個嘅薯仔法式千層酥，炸到每一層脆一脆，疊埋一舊食同咬開一層一層食可以食出唔同嘅感覺。
Main event係
‧ QM Signature Suckling Pig, Pumpkin puree, roast potatoes, jus
唔同中式嘅脆皮烤乳豬，外層上下都煎到香香脆脆，內層係軟熟嫩滑嘅乳豬肉，砌開出來可以食到脆-軟-脆嘅多重口感，再點埋南瓜薯蓉醬汁，同頭盤嘅南瓜湯嚟個互相呼應！
Grand event 就選左
‧ Signature Seafood Barcelona
重頭戲係巴塞隆納海鮮飯，青口、蜆肉、魷魚、大蝦足料嘅海鮮，每一樣都熟得剛剛好，海鮮嘅鮮味混合落飯粒入面，香氣四溢。
甜品就揀曬兩款：
‧ Crema Catalana, Spain’s famous, caramel flavored
加泰羅尼亞焦糖奶凍，面層脆脆嘅一層焦糖脆皮，撈埋四邊忌廉一齊食，隱隱散發住肉桂嘅味道。
‧ Basque Burnt Cheesecake, Served with mixed berries sorbet
相對濃厚嘅巴斯克芝士蛋糕，豐厚積感之餘唔會有膩嘅感覺，搭配酸酸甜甜嘅莓果味雪糕可以將全餐食過嘅味道做個完美嘅總結。
飲品我地揀咗兩杯MockTail：
‧ Virgin Sangria
果汁味非常濃郁嘅特飲，混合咗多種唔同嘅水果，有青蘋果、西瓜、橙同薄荷葉，隨住冰塊嘅溶化一杯飲品可以飲到唔同感受。
‧ Lychee Green
清新嘅荔枝味夠曬香甜，荔枝嘅香味由頭帶到落尾同各種食物相當合襯。
💥餐廳星期六日有個brunch menu，可以任食乳豬同觀賞表演，下次要再來試下
張貼
