十和田總本店

營業中

休息中

之前係facebook見到依間日本餐廳最近開左新分店，不過新分店既地點距離我工作地點唔係咁近，反而總本店就方便些小，所以都係同朋友一齊黎試下總店先。雖然店舖都幾多位，但係都坐滿哂，不過好彩等一陣就入到入去。因為非常肚餓既關係，見到有咩岩食就點點點。不過點餐都好方便，用IPAD就可以了，點完再叫服務員落單就ok。食日本野我比較鍾意食壽司，刺身就反而少order。首先order壽司先明有我最鍾意既三文魚、同埋試埋三文魚三味壽司、火炙三文魚，跟住就點左貴小小既中吞拿魚腩壽司。三文魚非常肥美，火炙三文魚尤其出色，火喉剛好，三文魚入口即溶。中吞拿魚魚味濃郁，果然真係一分錢一分貨。之前上網睇依度出名其中之一係三色井，所以都order埋佢。三色丼有海膽丼，吞拿魚蓉丼同埋蟹肉蟹膏丼。海膽丼既海膽好鮮甜，吞拿魚蓉味道剛好，更突出吞拿魚味道，蟹膏非常鮮。最重要係一個價錢可以食到三個味道既丼，唔怪之得咁多人推介。 熱食就order左蒸蛋同埋唐揚炸雞烏冬。食左咁多野最後都係二百元一位，在尖沙咀旺區來說CP值高。