影片
更多
2024-08-26
578 瀏覽
「原來赤身都可以好好食？」我超鍾意呑拿魚，特別係拖羅發燒友，喺香港搵到一間藍鯨吞拿魚專門店，店家直接從魚場攞貨，確保新鮮，絕對可以滿足到我喪食拖羅嘅慾望，呢度裝修充滿日系風格，連燈都係魚型態，好可愛！(๑´ㅂ`๑)✨主打中嘅王牌💖夢之丼 DREAM DONBURI $168大拖羅1切 ·中拖羅3切·赤身3切·迷你魚蓉燒賣定食已經包咗沙律茶碗蒸同麵豉湯，沙律魚以柚子醋調味好開胃，茶碗蒸入口香滑，入面有日式香滑蟹柳！一個丼飯入面有齊4款不同呑拿魚腩部分，大拖羅入口即化，油脂分佈極高，絕對唔會令你失望，原材料新鮮，刀工一流，每一片吞拿魚大小均一，先可以將拖羅刺身味道發揮到最好。估唔到赤身都有驚喜：平時我唔食赤身，因為覺得好腥，但係呢度嘅赤身唔會有根，入口嫩滑，雖然油脂分布冇咁高，但亦都好好食，另外迷你魚肉燒賣就成為一個錦上添花嘅點綴，超推介呢個套餐！🤍帶子肉餅飯 $148新鮮做手切藍鳍魚蓉 ·北海道帶子只要食材新鮮就一定好好食的配搭：超級幼滑嘅手切藍鯨魚蓉，加上北海道帶子同蟹籽，入口你會感受到多重口感，當中仲混合咗日本黑白芝麻，洋蔥碎......每一口都充滿魚香，再感受到其他配料加埋一齊嘅鮮
「原來赤身都可以好好食？」
我超鍾意呑拿魚，特別係拖羅發燒友，喺香港搵到一間藍鯨吞拿魚專門店，店家直接從魚場攞貨，確保新鮮，絕對可以滿足到我喪食拖羅嘅慾望，呢度裝修充滿日系風格，連燈都係魚型態，好可愛！(๑´ㅂ`๑)
夢之丼
$168
16 瀏覽
0 讚好
0 留言
✨主打中嘅王牌
💖夢之丼 DREAM DONBURI $168
大拖羅1切 ·中拖羅3切·赤身3切·
迷你魚蓉燒賣
定食已經包咗沙律茶碗蒸同麵豉湯，沙律魚以柚子醋調味好開胃，茶碗蒸入口香滑，入面有日式香滑蟹柳！
一個丼飯入面有齊4款不同呑拿魚腩部分，大拖羅入口即化，油脂分佈極高，絕對唔會令你失望，原材料新鮮，刀工一流，每一片吞拿魚大小均一，先可以將拖羅刺身味道發揮到最好。
估唔到赤身都有驚喜：平時我唔食赤身，因為覺得好腥，但係呢度嘅赤身唔會有根，入口嫩滑，雖然油脂分布冇咁高，但亦都好好食，另外迷你魚肉燒賣就成為一個錦上添花嘅點綴，超推介呢個套餐！
🤍帶子肉餅飯 $148
新鮮做手切藍鳍魚蓉 ·北海道帶子
只要食材新鮮就一定好好食的配搭：超級幼滑嘅手切藍鯨魚蓉，加上北海道帶子同蟹籽，入口你會感受到多重口感，當中仲混合咗日本黑白芝麻，洋蔥碎......每一口都充滿魚香，再感受到其他配料加埋一齊嘅鮮味！
🐟藍鰭吞拿💖魚生燒賣
中式元素燒賣混合魚刺身究竟係咩味道？呢個超有創意，燒賣皮係大豆豆紙，包住肥美拖羅蓉，燒賣共有九款，每款都配搭唔同食材，揀咗兩隻比較受歡迎嘅：
💛極尚拖羅配柚子 $55
肥美吞拿魚腩以柚子皮作配搭，肥美而不膩，yummy!
🧡爆漿三文魚籽 $55
佈滿大量日本三文焦籽醬油漬，充滿鹹鮮香氣，入口咬到粒粒魚籽充滿口感！
✨呢間店嘅拖羅真係出色，份量適中對我嚟講啱啱好，如果以呢個價錢俾呢個質素好好！
🐟豐鮪 (銅鑼灣)
📍銅鑼灣渣甸坊30-36號利發大廈地下5號舖
-
張貼
